Jenny d'Inverno a skepyî a Lidje li 28 di måss 1926.
Elle î a morou li 25 di djun 2020.
C' esteut ene sicrijheuse e walon, aprume teyåtreuse k' eployive l' accint did la.
Elle a purade sicrît des pîces di teyåte, des redjårbaedjes di grands teyåtreus. Elle esteut po on teyåte avanciveus, come si camaeråde Eugène Petithan.
Dins li ptite coleccion di l' SLLW, elle a eplaidî ene ramexhnêye do powinme sol tite : «On noer vevî k' on lome amour»
Elle a eto scrît e francès dins Wallonnes, et des biyografeyes di des scrijheus walons (Georges Ista, Marcel Hicter).
Elle esteut al SLLW (dispu 1971). Elle î sina l' papî Ltchanteu disconte do rfondaedje et des noûmots (1996).
Elle a scolé toplin des djouweus d' teyåte di tote li Walonreye, sacwants divnous des rlomés mwaisses del djowe, inte did zels, Jacques Barry. Et fé moussî do walon dins l' posse après Lidje.
Lomêye directoresse å Triyanon, li publik nel shuva målureuzmint nén dins ses programåcions di pîces di teyåte avanciveuses.
Baptiste Frankinet, notule po s' moirt, Wallonnes, 3/2020, pp 7-9.
This article uses material from the Wikipedia Walon article Jenny d'Inverno, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.