Veye Lidje: Lidje divant les grands rebanaedjes di 1977

Pol discramiaedje des årtikes avou l' mot « Lidje », loukîz cial.

• Limero del posse: 4000 (hintche erive, nén candjî) eyet 4020 (droete erive)
• limero diyalectolodjike: L 1
• Ime: Valeureux Liégeois

 

L' essegne riprezinte, e djaene so rodje, li peron, simbole des libertés del veye, avou les letes L et G a hintche et droete do peron, pa dzo i gn a cwate medayes riçûtes al guere di 1914-1918, et l' croes d' guere pol deujhinme, avou des påmes.

• Cronmouze
• Djudla Mouze
• Måssirouwale
• Foû-Tchestea
• Li Bate
• Li Çtadele
• Piereuse
• Pont ds Åtches
• Sclessin (divant 1977, so Ougrêye)
• al Vå-Bnoete (al vâ-m'neûte, fr. Val Benoit)

 

 

Onk des simboles del veye di Lidje, foiravant po les studiants, c' est l' Torè. Si vraiy no, e francès, c' est Le Dompteur de taureau ; c' est ene posteure d' èn ome miernou et d' on torea. Tos ls ans, al « Sint-Torè », å moes d' mås, les studiants fwaiynut l' fiesse et metnut les roustons do torea e coleur.

Li pus grande bibioteke di lives e walon s' trouve a Lidje, å Muzêye do Vicaedje des Walons. I gn a eto on teyåte e walon, Li Triyanon.

E 1927, li veye di Lidje a metou so pî on pris po les scrijheus e walon. A cmincî di 1977, li pris est rmetou pal rebanêye comene di Lidje.

Sacwants soces di waloneus a Lidje :

• Li Société liégeoise de littérature wallonne (l' ancyinne modêye del Société de langue et de littérature wallonnes) (1856-)
• Li Cåvea lidjwès (1872-)
• Les Oteurs walons (1897-1972)

•   Ciddé, vos ploz schoûter èn eredjistrumint del fåve do vî vî tins «Li bijhe et l' solea» ratournêye pa Anne Delporte avou l' accint d' après Lidje pol Djåzant atlasse éndjolike des lingaedjes di France et d' avår la.
•   Ôte ratournaedje pa on noûcåzeu ki dmeure après la

• Bénvnowe a Lidje ! (pådje e walon pol tourisse del veye di Lidje

 

I gn a so les cmons Wiki des imådjes ou fitchîs son a vey avou Lidje (veye) .