Li gripe espagnole, c' est ene gripe ås djins ki s’ a ferou abeymint dins l’ monde etir do prétins 1918 diski fén 1919.
On pinse k' i gn a yeu on cénkinme del peuplåcion del Daegne k' a stî acsûte.
Ele si spåd foirt rade tocosté. E l' Urope, bråmint des peuplåcions sont-st aflåweyes pa cwate anêye di guere eyet pal revintreye rûsse.
Al fén do moes d’ awousse 1918, gn a ene pitite ahote, mins ça ratake timpesse e moes d’ octôbe.
C’ est sovint des djonnes coirs bén poirtants k’ endè vont les prumîs.
Ele disparexhe d’ on plin côp å coron d' l' an 1919, ossu vite k’ elle aveut vnou.
Li gripe espagnole, sorlon çou k’ on a polou sepi, a fwait inte 25 et 100 miyons d’ moirts (et dabôrd, dipus kel guere 1914-1918).
Ele kimince come ene gripe ordinaire, a môde di laid matchurea. Les djins sintèt k' il ont l' creva.
Ci n' est nén po rire, poy ki les malådes atrapèt-st ene griyeuse peumoneye, divni tot bleus, et mori dvins les deus djoûs.
This article uses material from the Wikipedia Walon article Gripe espagnole, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.