Binde D' Imådjes

Ene binde d' imådjes (des côps dizo racourtixha B.I.) k' on dit eto : ene binde dessinêye et, pus coûtmint, ene bédé u BD), c' est on live avou totes des imådjes metowes ene padrî l' ôte, et on tecse dissu, po raconter ene istwere.

Gn a des tecses ki c' est come li cåzaedje d' on raconteu. Adon, i sont metous en on rectingue å dzeu.

Les ôtes tecses, k' end a bråmint dpus, c' est les cåzaedjes des persounaedjes. Ces tecses la sont metous dins des bouyotes.

Gn a eto les mots-bruts ki sont dessinés dins l' imådje.

Les desséns des bindes d' imådjes sont fwaites pa on dessineu. Les tecses pa on scrijheu d' bédé.

Å pus sovint, tos les tecses (såf les mots-bruts) sont scrîts al mwin, d' on letreu.

L' eplaideu d' bindes d' imådjes si lome on binddimådjî. Tos les cis k' ovrèt u ki vindèt des bindes d' imådjes sont cobén spotés les Spiroutîs.

Les bindes d' imådjes si passèt sovint dins des forveyous payis. Les persounaedjes sont kécfeye lomés avou des raptitixhants nos d' djins.

Les bindes d' imådjes sont diferinnes des lives d' imådjes la k' i gn a k' ene grande imådje so tchaeke pådje, et on tecse ki s' shût.

Les bindes d' imådjes polèt divni des fimes d' imådjes.

Les bindes d' imådjes fwaites u ratournêyes e walon sont metowes so ene pådje tote seule.

 

askepieyes el Walonreye

• Natacha
• Spirou
• Tif et Tondu
• les bleus sårots
• La Tchalette
• Li vî Bleu

askepieyes ôte pårt el Beldjike

• Tintin
• Bob et Bobete
• Bessy
• Aria

askepieyes ôte pårt sol Daegne

• Popeye
• Mickey et Dôna l' canî

• André Franquin
• Albert Goscinny
• Jigé
• Hergé
• Willy Lambillotte
• Jean-Claude Servais
• Maurice Tillieux
• René Uderzo
• François Walthéry

• li måjhon Dupuis a Mårcinele

C' est sovint dins l' boke des djins ki cåzèt on lingaedje etrindjir.

• Dins "François Walthéry" "Natacha, hôtesse de l'air".
• La patrouille des Castors
• Dins Tintin (Le sceptre d' Ottokar), el Sildayeye, li manoye, c' est des "kôr" (cwår).

• Les cint-z ans del binde dessinêye (Pire Otdjåke)