Asteroïde

In afmetiengn varieern ze van de grotstn, 1 Ceres met 'n diameter van 950 km, gevolgd deur 2 Pallas en 4 Vesta met 'n diameter van 500 km, toet an rotsen van zô een 10 km.

Ze verschillen van komeetn dan ze gin coma hen, en dat under boane veel rounder is. Z' hen ook veel minder ys dan komeetn en de planetesimoaln van de Kuipergordel (Kuiper Belt). Asteroiedn kunn'n mêestol in de asteroïdegordel (asteroiedn belt) tussen Mars en Jupiter gevoundn wordn, moa d'er zyn ook de Trojoanse asteroiedn die in de boane van Jupiter liggn, en ton ê je nog de asteroiedn die veel dichter by d' eirde kommn (en soms zels de boane van d' eirde kruusn).

De name die d'asteroiedn krygn bestoat uut een nummer dat anduudt in waffer volgorde dan z'ountdekt zyn, en ton ’n eigen name. En omdat er zôveel asteroiedn zyn, zyn der vele doavan achter platsen of bekende mensn genoemd. Azô zyn der drie West-Vlamsche steedn die 't up de lyste gemakt hen:

• 9471 Ostend
• 9472 Bruges
• 10120 Ypres

D'er is ook nog êen'n die 11947 Kimclijsters genoemd is. Die asteroïdes zyn ountdekt deur de Vlamschn astronoom Eric Elst.

• Alfabetische lyste van d'asteroiedn

Ofbeeldiengn die ier by passn ku je vien in de categorie Asteroids van Wiki Commons.