Astana (Kazaks en Russisch: Астана, vroegere Akmolinsk, Tselinograd en Aqmola enoemd) es 'n ôofdstad van Kazachstan, geleegn an de riviere Isjim.
't Ligt in't nôordn van Kazachstan, in e vlak steppegebied.
't Stee wierd in 1824 gesticht deur Siberische Kozakn lyk e militair fort an den boovnlôop van de riviere Isjim en kreeg ôorsprounkelyk de noame Akmolinsk. In 1961 wierd de plekke ernoemd tout Tselinograd en tout 'n ôofdstad uutgeroopn van't Sovjetterritorium van de "Moagdelyke Ground'n" (in't Russisch: tselina). Da gebeurde in't koader van en aksje van Nikita Chroesjtsjov vo massa's moagdelijke steppeground tout boereveldn om te bouwn.
Achter da Kazachstan ounafankelyk wos geword'n in 1991, wierd'n 't stee en de oumliggende groundn ernoemd tout Aqmola (vertoald: "Wittn Grafstêen"). In 1994 wierd de plekke angeduud lyk 'n toekomstign ôofdstad van't nieuw ounafankelyk land. Astana kreeg, achter da't in 1997 effectief 'n ôofdstad wierd in de plekke van Alma-Ata, oar nieuwe en uudige noame.
Ofbeeldiengn die ier by passn ku je vien in de categorie Astana van Wiki Commons. |
This article uses material from the Wikipedia West-Vlams article Astana, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.