Ties
Ties (franc.: Thiès, volof.: Cees) om lidn da raudtesol'm Senegalan päivlaskmas.
Se om valdkundan koumanz' lidn eläjiden lugun mödhe, Tiesan agjan administrativine keskuz.
Lidnanznam | |
| Valdkund | Senegal |
| Eläjiden lugu (2021) | 274,009 ristitud |
 | |
| Pämez' | Babakar Diop (mandat vozikš 2022−2027, Dr Babacar Diop) |
| Telefonkod | +221- |
| Aigvö | UTC+0 |
Istorii
Eländpunktan aluz om pandud vl 1864 kuti francine fort. Vspäi 1885 om raudtestancijaks «Dakar — Sen Lui»-keskustal. Tiesan kund (kommun) om sätud vl 1904.
Ties šingotase avtobusoiden i traktoriden ühthekeradamižen «Senbus Industries»-edheotandal (vspäi 2001), akkumulätoriden pästandal, kouroiden tehmižel, sömtegimištol (lihan ümbriradmine), elektromehanižel inžiniringal, alüminijan fosfatan samižel ezilidnas eksportan täht (Taib- i Pallo-kaivuded), torguindal. Om maižanduzrajonan keskuseks.
Geografijan andmused
Lidn sijadase agjan keskuzpalas, 63 m ü.m.t. keskmäižel korktusel. Matkad Dakar-pälidnhasai om 60 km päivlaskmha.
Klimat om räk pol'kuiv. Voden keskmäine lämuz om +25,7 C°. Paneb sadegid 503 mm vodes.
Eläjad
Vl 2002 lidnan eläjiden lugu oli 237 849 ristitud, vl 2013 — 286 283 ristitud. Vl 2019 kaik 765 213 eläjad oli ezilidnoidenke, agjan koumandez.
Islaman läz nell'kümned mečetid oma avaitud lidnas. Katoližen jumalankodikundan seičeme tulendad ratas Tiesas, ph. Annan päjumalanpertinke.
Tiesan universitet (franc.: Université de Thiès) radab vspäi 2007.
Homaičendad
Irdkosketused
| Ties Vikiaitas |
This article uses material from the Wikipedia Vepsän article Ties, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.