Tesla Nikola

10. heinku 1856, Smilän, Avstrine imperii, nügüd' Horvatijas — kol. 7. viluku 1943, Nju Jork, Nju Jork (štat), AÜV) — fizikantedomez', inžener, elektrotehnikantedomez' da melestegii. Tesla oli sündnu Avstrižhe imperijha da kaznu siš (sid' — Avstrijan da Mad'jaranman imperijas), möhemba radoi Francijas da AÜV:oiš. Vl 1891 hän kändihe AÜV:oiden rahvahanikaks.

Tesla Nikola
serb.: Никола Тесла[1]
Nikola Tesla (fotokuva läz 1893 vot)
nimi sündundan jäl'ghe:	serb.: Никола Тесла[1]
radmižen toižend:	leiutaja, elektriinsener, mehaanikainsener, fizikanmez', futurist
sündundan dat:
sündundan sijaduz:	Smiljan[d], Horvatii, Austria keisririik[d][7][1]
valdkund:	Austria keisririik[d][1]  Kingdom of Hungary[d]  Amerikan Ühtenzoittud Valdkundad[1]
kolendan dat:	7. viluku 1943(1943-01-07)[7][3][1][4][5][6] (86 vot)
kolendan sijaduz:	Hell's Kitchen[d], Nju Jork
tat:	Milutin Tesla[d][1]
mam:	Đuka Madic[d][1]
avtograf:
Tesla Nikola VikiAitas

Teslan tond elektrusen da magnetizman tedoidushe om sur'. Hänen patentad da teoretižed töd avaižiba ted nügüd'aigaižile ladimile, kudambad ratas vajehtujan joksusen abunke, äifazižile sistemile da elektrolikutimile. Kaik nened ladimed laskiba zavottä uz' etap industrialižes revolücijas.

Tesla om tutab kut efiran teorijan polenpidai.

Magnitvalun tihedusen ühtnik om nimitadud hänen nimel (Tesla).

Oli sündnu hristanuskondan serbižen ortodoksižen jumalankodikundan Milutin Tesla-papin (1819−1879) kanzha. Georgina (Džuka) Tesla-mam (1822−1892) oli papin tütreks. Nikola oli nellänz' laps' videspäi.

Vll 1870−1873 Tesla openui Karlovacan korktas školas (nüg. Horvatijas), vll 1875−1878 tedoiži elektrotehnikad Gracan tehnižes korktas školas (nüg. universitet, Avstrii). Napri opetas filosofijan tedokundal Pragan universitetas vl 1880, no lopi opendust ühten semestran jäl'ghe i läksi radmaha rahoiden mairhen tagut.

• Nikola Teslan muzejan sait (nikolateslamuseum.org, Belgrad, Serbii). (serb.) (angl.)
• Nikola Teslan patentad, kirjad da kirjutused teslauniverse.com-saital. (angl.)