Suhum (gruz.: სოხუმი , abh.: Аҟәа , ven.: Суху́м) om Gruzijan Abhazijan Tazovaldkundan pälidn da kaikiš suremb lidn.
Venäman armii kontroliruib Abhazijan territorijad vspäi 2008, sen rahvahanikad oma Venäman pasportanke tobjimalaz.
Lidnanznam | |
Valdkund | Gruzii - de jure Abhazijan Tazovaldkund - de fakto]] |
Eläjiden lugu (2020) | 65,530 ristitud |
Pind | 27 km² |
Pämez' | Kan Kvarčia (reduku 2019—, velgusentäutai) |
Telefonkod | +7−840−22-xx-xxx |
Avtokod | ABH |
Aigvö | UTC+3 |
Amuine eländpunkt sai lidnan oficiališt statusad vl 1848. Vll 1936−1992 sen oficialine nimituz oli Suhumi (ven.: Суху́ми). Raudte tuli lidnha 1930-nzil vozil.
Suhum šingotase änikoiden kazvatandal, kurortaks da turizman keskuseks 1960-nziš vozišpäi.
Lidn sijadase tazovaldkundan keskuzpalas, Mustmeren randal, 5..140 m korktusil, 20 m ü.m.t. keskmäižel korktusel. Matkad Tbilisihesai om 343 km päivnouzmha-suvipäivnouzmha orhal vai 431 km avtol. Lähembaine sur' lidn om Soči (Venäma), zavodiše 123 kilometras lodeheze, sihesai matkad om 150 km avtotedme vai 135 km raudtedme.
Klimat om subtropine neps. Voden keskmäine lämuz om +14,8 C°, kezakun-sügüz'kun +20,7..+24,0 C°, vilukun-uhokun +5,7..+6,3 C°. Paneb sadegid 1199 mm vodes, läz tazomäras kuidme, enamba sügüz'kus-redukus (114..120 mm kus), vähemba uhokus (76 mm). Merivezi lämptase +28..+30 Cel'sijan gradushasai kezaaigan.
Vl 1939 lidnan ristitišt oli 44 299 eläjad. Vn 2011 Abhazijan rahvahanlugemižen mödhe lidnan eläjiden lugu oli 62 914 ristitud. Kaikiš suremb lidnan ristitišt oli 119 150 eläjad vl 1989.
Rahvahad (2011): abhazijalaižed — 67,3 %, venänikad — 14,8 %, armenijalaižed — 9,8 %, gruzijalaižed — 2,8 %, grekalaižed — 1,0 %, toižed rahvahad i rahvahuden ozutandata — 4,3 %.
Avtobusad, trolleibusad (koume jonod) i maršruttaksid oma kundaližeks transportaks lidnas. Akua-päraudtestancii radab vspäi 1940, om edahaižiden čuradusiden jonusid. Meritorguindport radab lidnas.
Rahvahidenkeskeine soda- da civiline Suhum Babušar-lendimport (SUI / UGSS) sijadase 18 kilometras suvipäivnouzmha lidnaspäi. Se kävutase Venäman armijan sodatarbhaižusiden täht vaiše tazovaldkundan ridasižen statusan tagut.
Suhum Vikiaitas |
This article uses material from the Wikipedia Vepsän article Suhum, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.