Pirei
Pirei (grek.: Πειραιάς , Pireas; amuižgrek.: Πειραιεύς, Pireefs) om Grekanman lidn, Afiniden suvipäivlaskmaine ezilidn, valdkundan kaikiš järedamb meriport (20 mln matknikoid vodes, 3,3 mln konteinerid vl 2015) i mail'man laivoidenlikundan registracijan znamasine keskuz.
Mülüb Attik-periferijha.
| Valdkund | Grekanma |
| Eläjiden lugu (2011) | 163,688 ristitud |
| Pind | 10,86 km² |
 | |
| Pämez' | Ioannis Moralis (sügüz'ku 2014—) |
| Telefonkod | +30−210 |
| Aigvö | tal'vel UTC+2, kezal UTC+3 |
Istorii
Eländpunkt om amuižgrekižen Afiniden polisan meriportaks völ. Lidnoidenkeskeine te oli kaitud seinil londoišpäi vll 460−86 EME, ned oliba pandud mantazole rimalaižil i kaičenus penil paloil. Ezmäine Grekanmas raudte ühtenzoiti lidnad Afinidenke vl 1869. Afiniden metron jono nomer 1 i ezilidnelektrojonusen jonod tuldas Pireihe.
Pirei šingotase metallurgijal, mašiništonsauvomižel i sömtegimištol meriportan ližaks.
Geografijan andmused
Lidn sijadase Egeižen meren Saronikos-merikaran randal, 0..87 m korktusil, 2 m ü.m.t. keskmäižel korktusel. Matkad Afiniden keskushesai om 8 km pohjoižpäivnouzmha. Pirei- i Lefk- (grek. Λεύκα) raudtestancijad ratas lidnas.
Elänzoitmatoi Psitalei-sar' mülüb Pirein kundha lidnan ližaks. Kundan pind om 10,86 km², se jäb vajehtuseta vspäi 1968.
Eläjad
Vl 2001 lidnan eläjiden lugu oli 175 697 ristitud. Kaikiš suremb ristitišt oli 196 389 eläjad vl 1981. Vn 2011 Grekanman rahvahanlugemižen mödhe kaik 448 997 ristitud elädas lidnaglomeracijas (kahtenz' valdkundas), se mülüb Surihe Afinihe.
Irdkosketused
- Lidnan oficialine sait (piraeus.gov.gr). (grek.)
- Pirein portan oficialine sait (olp.gr). (angl.) (grek.)
| Pirei Vikiaitas |
This article uses material from the Wikipedia Vepsän article Pirei, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.