Lehmuz
SistematikVikierikoiš
| Lehmuz | ||||||||||||
|---|---|---|---|---|---|---|---|---|---|---|---|---|
| Tedoklassifikacii | ||||||||||||
| ||||||||||||
| Latinankel'ne nimi | ||||||||||||
| Tília L., 1753 | ||||||||||||
|
Lehmuz, mugažo nin'pu paginoidme (latin.: Tilia), om Mal'vižed-sugukundan lehtezpuiden heim. Mülütab läz 30 erikod i enamba sadad niiden gibridoid.
Leviganduz
Kazvab Pohjoižen mapoliškon venos i subtropižes vöiš. Erikoiden erazvuiččend om olmas Kitaiš (15 erikod-endemikad) i Suvipäivlaskmaižes Azijas.
Ümbrikirjutand
Lehmusen tüvi oleskeleb kaks' metrad diametral. Eläb 500 vodhesai. Navedib kazvatelišt mad, no voib kazda toižil-ki mahusil.
Änikoičeb kezakus-heinkus. Äikerdoičese semnil i vegetativižikš kebnas.
Kävutand
Kazvatadas dekorativižeks kazmuseks. Kävutadas pehmdaks pumaterialaks. Venäman äjad lehmuzsared kadoihe ninen avaron otandan tagut tehmaha virzuid, levitesid da havadoid.
Znamasine medenkandai kazmuz, lehmusen gektar voib antta üht tonnad spravitajad met.
Valitud erikod
Heimon tipine erik om Tilia × europaea-gibrid L. — Evropalaine (järgeline) lehmuz
- Tilia americana — Amerikalaine lehmuz
- Tilia amurensis — Amuran lehmuz
- Tilia mandshurica — Mančžurine lehmuz
- Tilia nobilis — Hüväsuguine lehmuz
- Tilia sibirica — Sibirine lehmuz
Homaičendad
| Lehmuz Vikiaitas |
This article uses material from the Wikipedia Vepsän article Lehmuz, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.