Kalo Frida

6. heinku 1907, Kojoakan-rajon, Mehiko, Meksik — kol. 13. heinku 1954, sigä-žo) oli meksikaine pirdai, lujas tutab ičeze avtoportretoiden tagut.

Kalo Frida
isp.: Frida Kahlo
Frida Kalo da Diego Rivera vl 1932
nimi sündundan jäl'ghe:	isp.: Magdalena Carmen Frida Kahlo Calderón[1]
radmižen toižend:	художница
sündundan dat:
sündundan sijaduz:	Coyoacán[d], Meksik[3]
valdkund:	Meksik[12]
kolendan dat:
kolendan sijaduz:	Coyoacán[d], Meksik[3]
tat:	Guillermo Kahlo[d]
avtograf:
Kalo Frida VikiAitas

Kalon sädamine om lujas valatoittud ezikolumbižen Amerikan rahvahiden kul'tural da čomamahtol. Hänen čomamahtstil' harakterizuiše erasti kut lapseline vai folk-art. Sürrealizman alusenpanii Anri Breton lugi Kalod sürrealistaks.

Kalon tervhuz oli kaiken olnu väll'. Konz Frida oli kuz'vozne, ka hänel poliomielit oli. Vl 1922 neižne tuli openumha «Preparatorijha» — valdkundaližhe vaumičendškolha, miše sada tuleban aigan lekarin professijad. Se škol valatoiti händast meksikan kul'turan el'gendusel. Vl 1925 Frida putui jügedha transportavarijha, konz avtobus ainastihe tramvainke, i tervhuden problemad jäiba kaikeks eloks. Vl 1926 naine zavodi pirta venujas olendas.

Vl 1929 Frida läksi Rivera Diego-mehele, i, kut hänen mužik-ki, pid'oiteli kommunistoid. Specialistad lugetas 1940-nzid vozid Frida Kalon sädamižen päks.

Fridan surmanjäl'ghine urn sijadase hänen muzejas, se om lähine hänen sündundan pertinke Azur'ne pert.

• «Frida i Diego Rivera» (1931, isp.: Frieda y Diego Rivera)
• «Genri Fordan läžundkodi» (1932, Henry Ford Hospital)
• «Avtoportret pühätandanke Lev Trockijale» (1937, Autorretrato dedicado a Leon Trotsky)
• «Mušt, südäikera» (1937, Recuerdo)
• «Kaks' Fridad» (1939, Las dos Fridas)
• «Muretud kolonn» (1944, La columna rota)
• «Diego i minä» (1949, Diego y yo)
• «Marksizm spravitab läžujad našt» (1954, El Marxismo dará salud a los enfermos)