Baster (angl.: Basseterre , «madal ma» francijan kelespäi, Sent Kitsan kreoline kel': Basterre) om Sent Kitsan da Nevisan pälidn da kaikiš suremb lidn.
Zante-port sijadase sen keskuzpalas Kariban meren randal.
Valdkund | Sent Kits da Nevis |
Eläjiden lugu (2018) | 14,000 ristitud |
Pind | 6,1 km² |
Aigvö | UTC−4 |
Eländpunktan aluz om pandud francijalaižil vl 1627, i vspäi 1639 se om järedaks meriportaks. Lidn eli läbi sures lämoipalos vl 1867. Edel padoseiniden sauvust Baster alištui paksuile sur'vezile.
Baster šingotase turizmal, Päivnouzmaižen Kariban finansižeks keskuseks, Päivnouzmaižen Kariban Keskuzbankan päfater radab lidnas. Tehtas romad, sadas keitandsolad, pästtas muzikelektronikad, kaik se mäneb eksportaks.
Lidn sijadase Sent Kits-saren suvirandal sättujanke merikaranke, randan 3,2 km pitte, 15 m ü.m.t. keskmäižel korktusel. Merikar om kaitud koviš tulleišpäi mägil.
Klimat om tropižiden vihmmecoiden. Kun keskmäine lämuz om +25..+28 C° vodes läbi. Paneb sadegid 1165 mm vodes, enamba heinkus-kül'mkus (113..141 mm kus), vähemba uhokus-sulakus (49..60 mm kus).
Vl 2010 kaikenaigaižiden eläjiden lugu oli 13 360 ristitud, valdkundan nelländez.
Lidnan eläjiden päreligii om hristanuskond. Päjumalanpert' om katoline, toižed pühäpertid oma protestantizman uskojiden: anglikanižiden i metodistoiden.
Kaks' mediciništ openduzaluzkundad oma avaitud lidnas: veterinarine škol i universitet babičijoiden täht.
Kundaline transport om avtobusad saredme i taksid.
Zante-valdmeriport om saudud merikaran pudotadud mal (6,1 ga pindal) vl 1995. Ehtatimed ühtenzoittas Basterad regionan znamasižidenke lidnoidenke lähižil saril.
Rahvahidenkeskeine lendimport Robert L. Bradšoun nimed (SKB / TKPK) radab lidnan pohjoižpäivnouzmas. Tehtas reisid AÜV:oiden i Kanadan järedoihe lidnoihe.
Baster Vikiaitas |
Pohjoižamerikan pälidnad | ||
Baster | Bel'mopan | Bridžtaun | Gvatemal-lidn | Havan | Kastri | Kingstaun | Kingston | Managua | Mehiko | Nassau | Ottav | Panam-lidn | Port-o-Prens | Port of Spein | | Rozo | San Hose | San Sal'vador | Santo Domingo | Sent Džons | Sent Džordžes | Tegusigal'p | Vašington | ||
This article uses material from the Wikipedia Vepsän article Baster, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.