Frida Kahlo (1907-1954) a oa ul livourez eus Mec'hiko, brudet he fried Diego Rivera, hag he darempred gant ar politikour Lyev Trotsky.
Magdalena Carmen Frida Kahlo y Calderón zo ganet e Coyoacán, er c'hreisteiz da Gêr-Vec'hiko, d'ar 6 a viz Gouhere 1907. Daoust da se e lavare Frida bezañ ganet en 1910, er bloavezh ma krogas an Dispac'h Mec'hikan, dre ma felle dezhi e vije kroget he buhez gant hini ur Mec'hiko modern.
Kement se n'eo nemet ur skouer eus he fersonelezh, plac'h a benn ha dizalc'h, enebet ouzh an urzh kevredigezhel, ha war un dro lorc'h enni gant he sevenadur mec'hikan, enebet ouzh an doareoù stadunanat o vont war-raok.
Trede merc'h Guillermo Kahlo, a orin alaman, ha Matilde Calderón González e oa.
He mamm, livourez a vicher, anavezet evel "El condabrebbra", a oa ganet e Kêr-Vec'hiko (1876-1932). Merc'h e oa da Isabel González y González ha da Antonio Calderón, luc'hskeudenner a orin indian.
Tad Frida, Wilhelm Kahlo (1872-1941), mab d'an orfebour Jakob Heinrich Kahlo hag Henriette Kaufmann, a oa ganet e Pforzheim, e-kichen Baden-Baden, en Alamagn. A-hervez e oant bourc'hizien eus ar c'hornad, ha luterianed. Koulskoude e vez lavaret alies e oa yuzev tad Frida, a orin eus Oradea en Roumania. D'he 19 vloaz e voe roet arc'hant dezhañ da vont da Vro-Mec'hiko e 1891. Spagnolekaat a eure e anv-badez, gounit e vuhez o labourat er stalioù evel implijad. Pa varvas e wreg kentañ digantañ e timezas da Matilde Calderón en 1898 hag e teskas ar vicher luc'hskeudenner gant e dad-kaer.
Dimeziñ a reas da Diego Rivera d'an 21 a viz Eost 1929. Dizimeziñ a rejont e 1939.
This article uses material from the Wikipedia Brezhoneg article Frida Kahlo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.