Merenrandaline Rand Fokino

Fokino
Фокино
	Lidnanznam;
Valdkund	Venäma
Eläjiden lugu (2021)	22,628 ristitud
Pind	16 km²
Pämez'	Aleksandr Baranov; (tal'vku 2016—)
Telefonkod	+7−42 339-xx-xxx
Avtokod	25, 125
Aigvö	UTC+10 (MSK+7)

Sil sanal voib olda toižid znamoičendoid; miše nähta niid, tulgat tänna.

Tünvaldmerižen laivišton sodabaz sijadase SATÜ:s.

Istorii

Vl 1867 pordaigaline sodapost oli pandud kontroliruimha kuldan samišt lähižel Askol'd-sarel. Promislovk-eländpunktan aluz (ven.: Промысловка) om pandud vl 1891, vspäi 1958 oli radnikžiloks. Registriruihe Tihookeanskii-žilod vl 1963, vspäi 1967 se oli radnikžiloks i Promislovk mülüi sihe aigan mändes.

Vs 1980 redukun 4. päiväspäi om olmas sauptud territorijaks, nimitihe Škotovo-17-lidnaks rajonkeskusen mödhe. Vspäi 1994 oficialine nimi om nügüdläine Tihookeanskii-žilon ezmäižen sauvojan, Vitalii Fokin-admiralan kanzannimen mödhe. Laivad seištas valdmoidenno lähižes merikaras, ümbriratas da kaitas VA-laivoiden reaktorid.

Geografijan andmused

Lidnan keskuzpala sijadase mägidenkeskeižes katl'uses, kahtes kilometras randaspäi, 40 m ü.m.t. keskmäižel korktusel, mugažo om rajonid Tünen valdmeren randal. Matkad Vladivostokhasai om 45 km päivlaskmha orhal vai 130 km avtotedme Ussuriiskan lahten randpolel. Lähembaižed lidnad samhas avtol oma Sur' Kivi 25 km lodeheze i Nahotk 57 km päivnouzmha.

Lidnanvuiččed Dunai- (7 614 rist. vl 2017) i Putätin-žilod (780 rist. vl 2017) mülüdas lidnümbrikho Fokinon ližaks. SATÜ:n pind — 291,29 km², korktused 0..530 m.

Eläjad

Vn 2010 Venäman rahvahanlugemižen mödhe lidnan eläjiden lugu oli 23 696 ristitud, lidnümbrikon — 32 164 ristitud. Kaikiš suremb lidnan ristitišt oli 25..26 tuhad eläjid vll 1996−2009 (26 500 rist. vl 1996 i vl 2003).

Ortodoksižen hristanuskondan ph. Ondrii Ezikuctud-apostolan jumalanpert' om saudud vll 1999−2000.

Professionaližen opendusen aluzkundad ratas lähembaižiš lidnoiš.

Galerei

Marija Tsukanovan muštnik (2015)
Raštvoiden kanman ph. Ondrii Ezikuctud-apostolan jumalanpertiš, vn 2011 nägu
Dunai-žilon nägu Starcevan mägelpäi (2014)

Homaičendad

Irdkosketused

Fokino (Merenrandaline rand) Vikiaitas

	Merenrandaližen randan lidnad
	Arsen'jev \| Artöm \| Dal'negorsk \| Dal'nerečensk \| Fokino \| Lesozavodsk \| Nahotk \| Partizansk \| Spassk Dal'nii \| Sur' Kivi \| Ussuriisk \| Vladivostok

This article uses material from the Wikipedia Vepsän article Fokino (Merenrandaline rand), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.