Sardor Oʻktamovich Umrzoqov (23-noyabr 1977-yilda tugʻilgan, Toshkent, Oʻzbekiston) — Oʻzbekiston davlat arbobi, 2023-yil 17-avgustdan Oʻzbekiston respublikasi prezidentining maxsus topshiriqlar boʻyicha maslahatchisi.
2022—2023-yillarda Oʻzbekiston Respublikasi Prezidenti administratsiyasi rahbari, 2019—2022-yillari Oʻzbekiston Respublikasi Investitsiyalar va tashqi savdo vaziri. 2021-yil 8-fevraldan Islom taraqqiyot banki oliy boshqaruvchilari kengashi raisi.
Sardor Oʻktamovich Umrzoqov | |
---|---|
Сардор Уктамович Умурзаков | |
Oʻzbekiston Respublikasi Prezidentining maxsus topshiriqlar boʻyicha maslahatchisi | |
Mansab davri 2023-yil 17-avgustdan | |
Hukumat boshligʻi | Abdulla Oripov |
Prezident | Shavkat Mirziyoyev |
Oʻtmishdoshi | lavozim joriy etilgan |
Oʻzbekiston Respublikasi Prezidenti administratsiyasi rahbari | |
Mansab davri 2022-yil 16-iyuldan – 2023-yil 17-avgustgacha | |
Hukumat boshligʻi | Abdulla Oripov (siyosatchi) |
Prezident | Shavkat Mirziyoyev |
Oʻtmishdoshi | Zaynilobiddin Nizomiddinov |
Vorisi | lavozim tugatilgan |
Oʻzbekiston Respublikasi Investitsiyalar va tashqi savdo vaziri | |
Mansab davri 2019-yil 28-yanvardan – 2022-yil 16-iyulgacha | |
Hukumat boshligʻi | Abdulla Oripov (siyosatchi) |
Prezident | Shavkat Mirziyoyev |
Oʻtmishdoshi | Jamshid Xoʻjayev |
Vorisi | Jamshid Xoʻjayev |
Oʻzcharmsanoat raisi | |
Mansab davri 2016-yildan – 2019-yilgacha | |
Hukumat boshligʻi | Abdulla Oripov (siyosatchi) |
Prezident | Shavkat Mirziyoyev |
Shaxsiy maʼlumotlari | |
Tavalludi | 23-oktyabr 1977-yil Toshkent, OʻzSSR |
Mukofotlari |
1977-yil 23-noyabrda Oʻzbekiston SSR poytaxti Toshkentda tugʻilgan. 1994—1998-yillarda Toshkent Davlat Iqtisodiyot Universitetining „Xalqaro moliya va bank ishi“ fakultetida oliy taʼlim olgan. Bakalavr diplomini olgandan soʻng,1998—1999-yillarda Reading universitet (Buyuk Britaniya) oʻqib, „Bank ishi“ ixtisosligi boʻyicha magistr darajasini olgan.
2000—2003-yillar bank sohasida mehnat faoliyatini Oʻzbekiston Respublikasi Tashqi iqtisodiy faoliyat Milliy bankida 2-toifali mutaxassis sifatida boshlagan. Biroz vaqt oʻtgach, u 1-toifali mutaxassis, soʻngra — yetakchi mutaxassis va keyinchalik — Investitsiyalarni boshqarish boʻlimi boshligʻi boʻlib ishlagan. 2003-yilda Oʻzbekiston Respublikasi Tashqi iqtisodiy faoliyat Milliy banki Samarqand boʻlimi boshqaruvchisining oʻrinbosari etib tayinlangan.
2004-yildan 2007-yilgacha Londonda yashab, Yevropa tiklanish va taraqqiyot bankining moliyaviy institutlari biznes guruhining katta bankiri lavozimida ishlagan. Buyuk Britaniyadan qaytgach, 2007-yildan 2013-yilgacha Oʻzbekiston Respublikasi Moliya vazirligi Gʻaznachiligida rahbarlik lavozimlarni egallagan: Toshkent shahar Gʻaznachilik boshqarmasi boshligʻining oʻrinbosari, soʻngra — boshligʻi, keyinchalik — Oʻzbekiston Respublikasi Moliya vazirligi Gʻaznachiligi boshligʻining birinchi oʻrinbosari sifatida faoliyat yuritgan.
2014-yildan 2017-yilgacha — „Oʻzbekcharmpoyabzal“ uyushmasi raisining maslahatchisi. Keyinchalik (2017—2018-yillarda) ushbu uyushmaning Boshqaruvi raisining oʻrinbosari boʻlib ishlagan. Soʻngra, 2018—2019-yillarda „Oʻzbekcharmpoyabzal“ uyushmasi qayta tashkil etilishi natijasida yangidan tuzilgan „Oʻzcharmsanoat“ uyushmasining raisi lavozimida ishlagan.
2019-yil 28-yanvarda Oʻzbekiston Respublikasi Prezidentining Farmoni bilan Sardor Umrzoqov Oʻzbekiston Respublikasi Investitsiyalar va tashqi savdo vaziri etib tayinlangan.
Shuningdek, 2019-yil yanvar oyidan buyon Savdoni tarif va notarif tartibga solish kengashining raisi va Jahon savdo tashkiloti bilan ishlash boʻyicha idoralararo komissiyasining raisi.
2019-yil avgust oyidan — Hududlar va tarmoqlarning eksport salohiyatini rivojlantirish boʻyicha Respublika komissiyasining raisi. Shuningdek, Oʻzbekiston Respublikasining toʻgʻridan-toʻgʻri investitsiyalar jamgʻarmasi Kengashining raisi, „Oʻzagroeksportbank“ ATB Kengashining raisi, „Oʻzbekinvest“ eksport-import milliy sugʻurta kompaniyasi Direktorlar kengashining raisi va „Uzbekinvest International Insurance Company“ xalqaro sugʻurta kompaniyasi (London, Buyuk Britaniya) Direktorlar kengashining raisi.
Yevropa Tiklanish va Taraqqiyot Bankining boshqaruvchisi (bosh ofis — London, Buyuk Britaniya).
Osiyo infratuzilmaviy investitsiyalar bankining boshqaruvchisi (bosh ofis — Pekin, XXR).
2019-yilning sentyabr oyidan — Oʻzbekiston Liberal-demokratik partiyasi Siyosiy Kengashi aʼzosi.
2022-yildan Oʻzbekiston Respublikasi Prezidenti devoni rahbari
This article uses material from the Wikipedia O‘zbek article Sardor Umrzoqov, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Matndan CC BY-SA 4.0 litsenziyasi boʻyicha foydalanish mumkin (agar aksi koʻrsatilmagan boʻlsa). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki O‘zbek (DUHOCTRUNGQUOC.VN) is an independent company and has no affiliation with Wiki Foundation.