futbol

Futbol boʻyicha 1930-yilgi jahon chempionati (qisqacha: Jahon chempionati-1930, inglizcha: 1930 FIFA World Cup, ispancha: Copa Mundial de Fútbol de 1930) — FIFA tomonidan tashkil etilgan birinchi jahon chempionati. Turnir 1930-yil 13—30-iyul kunlari Urugvayda boʻlib oʻtgan. Birinchi jahon chempionatini oʻtkazish toʻgʻrisidagi qaror 1928-yil 26-mayda FIFA tomonidan qabul qilingan va 1929-yil 18-mayda Urugvay davlati ovoz berish yoʻli bilan mezbon sifatida tanlab olingan. Birinchi jahon chempionatining barcha oʻyinlari Urugvay poytaxti — Montevideoda boʻlib oʻtgan. Montevideoda jahon chempionati uchun 90 000 tomoshabinga moʻljallangan Centenario stadioni qurilgan.

Musobaqaga FIFAga aʼzo barcha davlatlar taklif qilingan. Biroq, bor-yoʻgʻi 13 ta jamoa musobaqada ishtirok etish uchun Urugvayga borgan: Janubiy Amerikadan yettita, Yevropadan toʻrtta va Shimoliy Amerikadan ikkita jamoa. Yevropa jamoalarining soni kamligi XX asrning birinchi yarmida Janubiy Amerikaga borish qiyin boʻlganligi bilan izohlangan. Qurʼa natijalariga koʻra jamoalar toʻrt guruhga boʻlingan. Har bir guruh gʻoliblari pley-off bosqichiga yoʻl olishdi. Jahon chempionatlari tarixidagi dastlabki ikki uchrashuv bir vaqtda boshlandi. Ularda Fransiya va AQSH mos ravishda Meksikani 4:1, Belgiyani 3:0 hisobida magʻlub etgan. Fransiyalik Lucien Laurent jahon chempionati tarixidagi ilk gol muallifi hisoblanadi.

Musobaqa oldidan mezbon mamlakat jamoasi eng kuchli terma jamoa sifatida baholanar edi. Chunki Urugvay milliy futbol terma jamoasi 1924 va 1928-yilgi yozgi Olimpiya oʻyinlari doirasida oʻtkazilgan futbol musobaqasida gʻolib chiqqan. Urugvay jahon kubogini ham qoʻlga kiritdi: yarim finalda Urugvay Yugoslaviya terma jamoasini, Argentina esa AQSh terma jamoasini magʻlub etdi. 68 ming tomoshabin koʻz oʻngida boʻlib oʻtgan final bahsida urugvayliklar 4:2 hisobidagi gʻalabani qoʻlga kiritishdi va jahon kubogining ilk sohibiga aylanishdi. Andoza:TFAFULL

The page "Portal:Futbol/Tanlangan biografiya/7" does not exist.

Yevropa futbol assotsiatsiyalari ittifoqi (​​Eng.  Union of European Football Associations , UEFA deb qisqartirilgan , UEFA ning ruscha transliteratsiyasida)—Yevropa va Osiyoning baʼzi gʻarbiy mintaqalarida futbolni boshqaradigan sport tashkiloti . U Yevropa davlatlarining milliy futbol assotsiatsiyalarini birlashtiradi va futbol klublari va terma jamoalarining barcha Yevropa musobaqalarini tashkil qiladi, shuningdek, uning tarkibiga kiruvchi klublar va milliy assotsiatsiyalar oʻrtasida reklama va translyatsiya daromadlarini taqsimlaydi.

UEFA Xalqaro futbol federatsiyasi (FIFA) tarkibiga kiruvchi oltita qitʼa konfederatsiyasidan biri boʻlib, UEFA ularning eng nufuzli va badavlati hisoblanadi. Dunyoning deyarli barcha eng kuchli futbolchilari Yevropada toʻp suradi, chunki aynan shu chempionatlarda eng yuqori maoshlar berib boriladi. Angliya, Fransiya, Italiya, Ispaniya va Germaniyada beriladigan maoshlar ancha baland hisoblanadi. Shuningdek, UEFA dunyoning koʻplab kuchli jamoalarini oʻzida jam qilgan, bu esa ushbu konfederatsiya davlatlarining jahon chempionatlarida qatnashish uchun koʻproq oʻrinlar beradi: masalan, 2006-yilgi Jahon chempionatida 32 jamoadan 14 tasi UEFA tomonidan taqdim etilgan. (Full article...)

The page "Portal:Futbol/Selected picture/35" does not exist.

The page "Portal:Futbol/Selected quote/22" does not exist.