Indiana

Michigan koʻli bilan Ogayo daryosi oraligʻida. Mayd. 94 ming km². Aholisi 6,1 mln. kishi, shuning 65% shaharlarda yashaydi (2001). Maʼmuriy markazi va eng katta shahri — Indianapolis. Yer yuzasi oʻr-qirli tekislik. Eng baland joyi 378 m. Iqlimi moʻʼtadil kontinental, yozi issiq. Yillik oʻrtacha yogʻin 1000 mm. Oʻrmonlar deyarli qirqib tugatilgan.

Indiana Indiana
Shtat
Indiana bayrog`i Indiana tamg`asi
Shtat laqabi: (Hoosier State)
Mamlakat	AQSh
Poytaxt	Indianapolis
Eng yirik shaharlar	Indianapolis Fort Wayne Evansville
Maydon    • Butun    • % suv	AQSh: 38-oʻrinda 94,321 km² 1.51 %
Aholi    • Butun (2021)    • Zichlik    • Senat oʻrinlari    • Elektoral ovozlari	AQSh: 15-oʻrinda 6,271,973 65.46 kishi/km² 9 11
YIM    • YIM    • YIM/kishi	AQSh: 16-oʻrinda $227,569 million $36,548
Ittifoqqa kirish    • Sana	19-boʻlib 11 dekabr 1816
Vaqt	UTC-5 (EST) / -6 (CST)
Qisqartma	IL [17]
Shtat guli	Peony (Paeonia)
Shtat daraxti	Tulip-tree (Liriodendron tulipifera)

Indiana— industrial-agrar shtat. Sanoatining yetakchi tarmoqlari: umumiy mashinasozlik (samolyot, raketa va mashina dvigatellari, yoʻl mashinalari, qishloq xoʻjaligi qurollari, radioelektronika asboblari ishlab chiqarish) va qora metallurgiya (choʻyan va poʻlat eritishda AQShda yetakchi oʻrinda). Kimyo, kimyo-farmatsevtika, rezina, oziq-ovqat sanoatlari ham rivojlangan.

Indiana "makkajoʻxori mintaqasi"ning sharqiy chekkasida joylashgan. Tuprogʻi qoratuproq. Asosiy ekinlari: makkajoʻxori va bugʻdoy. Chorvachilik qishloq xoʻjaligi tovar mahsulotining yarmidan koʻprogʻini beradi. Ogayo daryosi va Uobash daryosining quyi qismida kema qatnaydi.

Indiana hududida yevropaliklar kelgunga qadar indeyslarning koʻp sonli qabilalari yashagan. Indianani 17-asr oxirida fransuzlar egalladi. 1763 yildan Buyuk Britaniya mulki. 1783 yildan AQSH tarkibida. Indiana 1816 yildan AQSH shtati.