مارٹن لوتھر کنگ جونیئر (انگریزی: Martin Luther King, Jr) (پیدائش: 15 جنوری 1929ء اٹلانٹا - وفات: 4 اپریل 1968ء میمفس) ایک امریکی پادری، حقوق انسانی کے علمبردار اور افریقی-امریکی شہری حقوق کی مہم کے اہم رہنما تھے۔ آپ نے امریکا میں یکساں شہری حقوق کے لیے زبردست مہم چلائی۔ کم از کم دو مسیحی گرجاؤں نے کنگ کو شہید کا درجہ دیا۔ انھوں نے 1955ء کے منٹگمری بس مقاطعہ کی قیادت کی اور 1957ء میں جنوبی مسیحی قیادت اجلاس کے قیام میں مدد دی اور اس کے پہلے صدر بنے۔ کنگ کی کوششوں کے نتیجے میں 1963ء میں واشنگٹن کی جانب مارچ کیا گیا، جہاں کنگ نے اپنی شہرۂ آفاق میرا ایک خواب ہے (I Have a Dream) تقریر کی۔ انھوں نے شہری حقوق کی مہم کے حوالے سے عوامی شعور اجاگر کیا اور امریکا کی تاریخ کے عظیم ترین مقررین میں سے ایک کی حیثیت سے اپنی شناخت مستحکم کی۔
مارٹن لوتھر کنگ جونیئر | |
---|---|
(انگریزی میں: Martin Luther King Jr.) | |
معلومات شخصیت | |
پیدائشی نام | (انگریزی میں: Michael King Jr.) |
پیدائش | 15 جنوری 1929ء اٹلانٹا، جارجیا |
وفات | 4 اپریل 1968ء (39 سال) میمفس، ٹینیسی |
وجہ وفات | شوٹ |
طرز وفات | قتل |
شہریت | ریاستہائے متحدہ امریکا |
قد | |
رکن | امریکی اکادمی برائے سائنس و فنون |
زوجہ | کوریٹا سکاٹ کنگ (18 جون 1953–4 اپریل 1968) |
اولاد | یولینڈا کنگ ، برنیس کنگ |
عملی زندگی | |
مادر علمی | جامعہ بوسٹن (1951–5 جون 1955) واشنگٹن ہائی اسکول |
تخصص تعلیم | systematic theology |
تعلیمی اسناد | پی ایچ ڈی |
پیشہ | حامی شہری حقوق ، الٰہیات دان ، واعظ ، خادم دین ، مصنف ، پاسٹر ، امن پسند ، انسان دوست ، کارکن انسانی حقوق ، جنگ مخالف کارکن ، سیاست دان |
پیشہ ورانہ زبان | انگریزی |
شعبۂ عمل | نسل پرستی ، سیاست ، نظریاتی صحافت ، علم الوعظ |
ملازمت | آزاد ایمسٹرڈیم یونیورسٹی |
مؤثر | ہنری ڈیوڈ تھورو ، موہن داس گاندھی |
تحریک | عدم تشدد ، افریقی نژاد امریکی شہری حقوق کی تحریک (1955–1968) |
اعزازات | |
کانگریشنل گولڈ میڈل (2004) سال کا انسانیت پسند (جنوری 1984) شعبۂ انسانی حقوق کا اقوام متحدہ انعام (1978) صدارتی تمغا آزادی (1977) جواہر لعل نہرو ایوارڈ (1966) گاندھی امن انعام (1964) نوبل امن انعام (1964) ٹائم سال کی شخصیت (1963) اینسفیلڈ-وولف بک ایوارڈز (برائے:Stride Toward Freedom: The Montgomery Story ) (1959) فیلو آف امریکن اکیڈمی آف آرٹ اینڈ سائنسز | |
نامزدگیاں | |
نوبل امن انعام (1964) | |
دستخط | |
ویب سائٹ | |
ویب سائٹ | باضابطہ ویب سائٹ |
IMDB پر صفحات | |
درستی - ترمیم |
1964ء میں نسلی تفریق اور امتیاز کے خلاف شہری نافرمانی کی تحریک چلانے اور دیگر پرامن انداز احتجاج اپنانے پر لوتھر کنگ کو نوبل امن انعام سے نوازا گیا۔ آپ اس اعزاز کو حاصل کرنے والے سب سے کم عمر شخص تھے۔ 1968ء میں اپنے قتل سے پہلے آپ نے غربت کے خاتمے اور جنگ ویتنام کی مخالفت کے لیے کوششیں کی اور دونوں کے حوالے سے مذہبی نقطۂ نظر سامنے لائے۔ 4 اپریل 1968ء کو میمفس، ٹینیسی میں لوتھر کنگ کو قتل کر دیا گیا۔
1977ء میں انھیں بعد از وفات صدارتی تمغۂ آزادی اور 2004ء میں کانگریسی طلائی تمغا سے نوازا گیا۔ 1986ء میں یوم مارٹن لوتھر کنگ جونیئر کو امریکا میں قومی تعطیل قرار دیا گیا۔ ٹائم میگزین نے 1963ء میں آپ کو "سال کی شخصیت" قرار دیا تھا۔
پیش نظر صفحہ نوبل انعام یافتگان سے متعلق موضوع پر ایک نامکمل مضمون ہے۔ آپ اس میں مزید اضافہ کرکے ویکیپیڈیا کی مدد کرسکتے ہیں۔ |
This article uses material from the Wikipedia اردو article مارٹن لوتھر کنگ جونیئر, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.