کننڑ فلموں کے مشہور و معروف اداکار۔ کرناٹک اور تامل ناڈو کی سرحد پر واقع ایک گاؤں گجنور میں پیدا ہوئے۔ آٹھ سال کی عمر سے فلموں میں اداکاری کی شروعات کی۔ لیکن بطور ہیرو ان کی پہلی فلم ’بیدارہ کنّپا‘ 1954ء میں ریلیز ہوئی۔ فلموں میں گاتے بھی رہے۔ 200 سے زائد فلموں میں کام کیا۔
ریاست کرناٹک میں انھیں بھگوان کی طرح پوجا جاتااور احترام میں عام طور پر انھیں ’انناورو‘ یعنی بڑے بھائی کے نام سے پکارا جاتا۔
فلموں کے ساتھ ساتھ اداکار راج کمار چھ برس قبل اس وقت بھی سرخیوں میں آئے تھے جب خوفناک ڈاکو ویرّپن نے انھیں اغواء کر لیا تھا اور وہ تقریباً 100 دن تک جنگل میں یرغمال بنے رہے۔ راج کمار کی مقبولیت اور ان کے احترام کے پیشِ نظر ریاستی حکومت نے ویرًپن کی تمام مانگوں کو مان لیا اور اس کے بعد ہی راجکمار کو رہائی مل سکی۔
ڈاکٹر راج کمار کو کننڑ فلم انڈسٹری کی عظیم خدمات کے لیے ملک کے سب سے بڑے اعزاز دادا صاحب پھالکے اوارڈ سے بھی نوازا گیا۔ دل کا دورہ پڑنے سے بنگلور میں ان کا انتقال ہوا۔
This article uses material from the Wikipedia اردو article راج کمار (کنڑا اداکار), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.