ملا فضل اللہ

ملا فضل اللہ تحریک نفاذ شریعت محمدی کا سربراہ تھے جو ایک کالعدم پاکستانی اسلامی بنیاد پرست عسکریت پسند گروہ ہے اور تحریک طالبان پاکستان کا اتحادی ہے۔ انھیں سوات طالبان کے سربراہ کے طور پر بھی جانا جاتا تھا۔ وہ تحریک نفاذ شریعت محمدی کے بانی صوفی محمد کے داماد بھی تھے۔انھیں 7 نومبر 2013ء کو حکیم اللہ محسود کی جگہ تحریک طالبان پاکستان کا سربراہ مقرر کیا گیا جو یکم نومبر 2013کو ایک امریکی ڈرون حملے میں ہلاک ہو گئے تھے۔ امریکی افواج نے دعویٰ کیا ہے کہ ملا فضل اللہ 13 جون 2018 کے ڈرون حملے میں مارے گئے۔افغان وزارتِ دفاع نے بھی امریکی ڈرون حملے میں کالعدم تحریک طالبان پاکستان کے سربراہ ملا فضل اللہ کی ہلاکت کی تصدیق کردی ہے ۔