ماہ عسل (انگریزی: Honey Moon) اس مخصوص وقت کو کہا جاتا ہے جو شادی کے رسم و رواج کے بعد شادی شدہ جوڑا ایک ساتھ گزارتا ہے۔ عموماً اس کی مدت ایک ماہ ہوتی ہے۔ ماہ عسل منانے کے لیے نو بیاہتا جوڑا ایک دوسرے سے لطف اندوز ہونے کے لیے مکمل طور پر فارغ ہوتا ہے۔ ماہ ازدواج منانے کا طریقہ قوموں، شہروں اور لوگوں کے طبقات کے اعتبار سے مختلف ہوتا ہے، مثلاً مالدار طبقہ شادی کے فوراً بعد کسی سیاحتی مقام کی تفریح اور وہاں ماہ عسل گزارنے کو ترجیح دیتے ہیں، بعض زراعتی اور دیہی علاقوں میں دولہا اور دولہن اپنے گھر ہی میں ٹھہرے رہتے ہیں، ملنے جلنے والوں کا تانتا بندھا رہتا ہے اور دولہن کی ماں اس مخصوص گھر کی دعوت وغیرہ کا انتظام کرتی ہے۔
کہا جاتا ہے کہ یہ رسم 4000 سال سے بھی زیادہ پرانی ہے۔ بابل کے رہنے والوں میں بھی یہ رواج عام تھا کہ دولہن کا باپ قمری مہینہ کے دوران میں شہد سے بنا ہوا ایک خاص قسم کا شراب دولہے کو پیش کرتا اور یہ سمجھا جاتا تھا کہ شراب کی یہ خاص قسم جنسی صحت اور اندرونی توانائی میں اضافہ کرتی ہے۔
This article uses material from the Wikipedia اردو article ماہ عسل, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.