شِواجی بھونسلے (تقریباً 1627ء/1630ء – 3 اپریل 1680ء) ایک ہندوستانی مجاہد بادشاہ اور مرہٹہ قبیلے بھونسلے کے فرد تھے۔ شیواجی نے بیجاپور کی زوال شدہ عادل شاہی سلطنت کے دروں خِطّہ پر مرہٹہ سلطنت قائم کی۔ 1674ء میں رسمی طور پر ان کو رائے گڑھ میں چھترپتی تاج پہنایا گیا۔
شِواجی | |
---|---|
مرہٹہ سلطنت کے چھترپتی | |
ریکس میوزیم میں موجود شیواجی کا 1680ء کی دہائی کا پورٹریٹ | |
مرہٹہ سلطنت کے پہلے چھترپتی | |
1674–1680 ع ز | |
جانشین | سمبھاجی |
شریک حیات | سائی بائی نمبالکر سوئیرا بائی موہٹے پتلا بائی پالکر سکوار بائی گائیکواڑ کاشی بائی جادھو |
نسل | سکھوبائی نمبالکر رانوبائی جادھو امبیکا بائی مہادک سمبھاجی راجا رام اول راجکماری بائی شرکے |
مراٹھی | शिवाजी भोसले |
سنسکرت | शिवाजी भोसले |
خاندان | بھونسلے |
والد | شاہ جی بھونسلے |
والدہ | جیجابائی |
پیدائش | تقریباً اپریل 1627ء یا 19 فروری 1630ء شیونیری، احمد نگر سلطنت (موجودہ مہاراشٹر، بھارت) |
وفات | 3 اپریل 1680 (عمر 50–53 سال) قلعہ رائے گڑھ، ضلع رائے گڑھ، مرہٹہ سلطنت (موجودہ مہاراشٹر، بھارت) |
مذہب | ہندو مت |
اپنی زندگی کے دوران میں مغلیہ سلطنت، سلطنت گولكنڈہ اور سلطنت بیجاپور کے ساتھ ساتھ انگریز، پرتگیزی، فرانسیسی عہد استعمار کے ساتھ شِواجی کے اچھے اور برے تعلقات دونوں رہے۔ شِواجی کی عسکری افواج نے مرہٹہ کا دائرہ اختیار بڑھایا، قلعوں پر قبضہ کیا اور کچھ نئے بنائے اور مرہٹہ بحریہ کی تشکیل کی۔ شِواجی نے عمدہ ساخت والی انتظامی تنظیمیں قائم کیں اور ساتھ ساتھ موزوں اور متزائد سِول اصول بھی متعارف کیا۔ انھوں نے قدیم ہندو سیاسی طریقوں اور درباری اجتماعات میں جان ڈالی اور حکومت کے انتظامی امور اور دربار میں فارسی کی بجائے مراٹھی اور سنسکرت کو تقویت دی۔
شِواجی جنر کے شہر (جو اب ضلع پونہ) کے قریب شیونیری کے پہاڑی قلعے میں پیدا ہوئے۔ شِواجی جی تاریخِ پیدائش پر محققین مختلف رائے دیتے ہیں۔ مہاراشٹر میں شِواجی کا یوم پیدائش (شِواجی جینتی) 19 فروری کو منایا جاتا ہے اور 19 فروری کو وہاں عام تعطیل ہوتی ہے۔ شِواجی کا نام مقامی دیوی ”شیوائی“ پر رکھا گیا تھا۔ شِواجی کے والد شاہ جی بھونسلے ایک مراٹھا جرنیل تھے جنھوں نے دکن کی سلطنتوں کے خدمات سر انجام دیں۔ ان کی والدہ جیجابائی سندکھیڑ کے ایک مغل ہم صف سردار لکھوجی جادھو راؤ کی بیٹی تھیں، جن کا دعویٰ تھا کہ وہ دیوگری کے یادو شاہی خاندان کی نسل ہیں۔
شِواجی کی پیدائش کے وقت دکن میں تین اسلامی سلطنتوں کا راج تھا: بیجاپور، احمد نگر اور گولکنڈہـ شاہ جی کبھی بیجاپور کے عادل شاہ کے وفادار ہو جاتے تو کبھی مغلوں کے وفادار ہو جاتے تھے، لیکن ہمیشہ سے پونہ میں ان کی جاگیر اور ان کی چھوٹی فوج ان کے قبضے میں تھی۔
ویکی ذخائر پر شِواجی سے متعلق سمعی و بصری مواد ملاحظہ کریں۔ |
ماقبل نئی سلطنت | مرہٹہ سلطنت کے چھترپتی 1674–1680 | مابعد |
This article uses material from the Wikipedia اردو article شِواجی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.