Гагарин Юрий
Ю́рий Алексе́евич Гага́рин (1934—1968) — Клушино, Гжатский (али Гагарин) ёрос, Западной улосвыл (али Смоленск улосвыл) — лётчик-космонавт СССР, Совето Союзлэн Героез, пӧртэм кунъёслэн вылӥ пусъетъёссылэн кавалерзы, Россиысь но кунгожсьӧр каръёслэн Дано гражданинзы луэ.
Полковник (ВВС СССР (1963), 1-тӥ классъем военной лётчик, СССР-ысь спортъя сӥё-дано мастер (1961), ЦК ВЛКСМ-лэн ёзчиез, СССР-ысь Вылӥ Кенешезлэн 7-тӥ но 8-тӥ ӧтчамысьтыз депутатэз.
| Юрий Алексеевич Гагарин | |
|---|---|
| Страна |  СССР |
| Специальностез | Военный лётчик Лётчик-космонавт |
| Воинской званиез | полковник[d], подполковник[d], майор[d], старший лейтенант[d] и лейтенант[d] |
| Экспедициос | «Восток-1» (12 апреля 1961) 1-й человек в космосе |
| Инсьӧрын улэм дырыз | 1 час 48 минут |
| Вордӥськем дырыз | 9-тӥ южтолэзе 1934[…] |
| Вордӥськем интыез | деревня Клушино, Гжатский район , Западная область, РСФСР, СССР |
| Кулэм дырыз | 27-тӥ южтолэзе 1968[…] (34 года) |
| Кулэм интыез | возле села Новосёлово, Шаблон:МС, РСФСР, СССР |
| Автограф |  |
| Данъет пусъёсыз | |
| Позывной | «Кедр» |
 Медиафайлы на Викискладе | |
Вакчияк биографиез
12 апреля 1961 арын 12 оштолэзе Юрий Гагарин дунневыл историын инсьӧр вӧлметэ потэм нырысетӥез адями луиз. «Восток-1» корабль «Восток» нимо ракета-носителен валче, Казахстанысь Кызылординской улосвылын интыяськем Байконур нимо космодромысь лэземын вал. Лобамез бӧрсьы Гагаринлэн кораблез азинлыко пуксиз Саратов улосвылэ, Энгельса кар вӧзы. 1961 арын 12 оштолэзе, Юрий Гагаринлэн инсьӧры лобон нуналыз праздник нуналэн ялэмын вал — Космонавтикалэн Нуналыз.
Нырысетӥез инсьӧр лобон быдэс дуннелэсь тунсыксэ ӝутӥз. Ачиз Юрий Гагарин быдэс дуннелы тодмо луиз. Берло аръёсаз Гагарин трос мерлыко но политической ужъёсы пыриськылӥз. имени профессора Н. Е. Жуковский нимо военно-воздушной инженерной академиез йылпумъяз. Космонавтъёсты дасянъя центрын ужаз но выльысь инсьӧры лобыны дасяськиз.
1968 арын 27 южтолэзе Юрий Гагарин Владимир улосвылысь Киржач ёросысь Новосёлово гурт котырын авиакатастрофаын бырыны шедиз. Шуэрес учыр В. С. Серёгин тодӥсь-валась инструктор кивалтэм улсын МиГ-15УТИ самолётэн дышетон-лобан куспын луиз. Авиакатастрофалэн кылдэм мугъёсыз та дырозь валантэм кылё на.
Гагаринлэн быременыз валче, Совето Союзын буре ваён нунал (общенациональный траур) ялэмын вал. Дунне вылысь нырысетӥ космонавтлы сӥзьыса, кӧня ке улон интыослэн нимъёссы воштэмын. Кылсярысь, Гагаринлэн вордӥськем карез — Гжатск), озьы ик проспектъёслы но ульчаослы космонавтлэн нимыз сётэмын вал. Пӧртэм каръёсын Юрий Алексеевичлы памятникъёс пуктэмын.
Чӧлсконъёс
This article uses material from the Wikipedia Удмурт кыл article Гагарин Юрий, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Пушкесэз CC BY-SA 4.0 лицензияя кутымон луэ (мукетыз возьматэмын ӧвӧл ке). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Удмурт кыл (DUHOCTRUNGQUOC.VN) is an independent company and has no affiliation with Wiki Foundation.