Devid Bowi (inglizçä David Bowie, çın iseme Devid Robert Cons, ing.
David Robert Jones) (1947-2016) - Böyekbritaniä kürenekle rok-cırçısı, cırlar avtorı, prodüser, tawış rejissörı, rässam häm aktör.
Devid Bowi inglizçä David Bowie | |
---|---|
Devid Bowi | |
Tulı iseme | David Robert Jones |
Hönäre | cırçı, cırlar avtorı, prodüser, tawış rejissörı, rässam häm aktör |
Tuu datası | 8 ğinwar 1947 |
Tuu cire | London, Böyekbritaniä |
Watandaşlığı | Böyekbritaniä |
Ülem datası | 10 ğinwar 2016 (69 yäş) |
Ülem cire | Nyu-York |
Üz icatında üzençälekle stil buldıra, küp cırçılarğa zur yoğıntı yasağan.
Anıñ iñ mäşhür cırları: «Space Oddity» ("Ğälämdäge ğädättän tış xäl", 1969), «Starman», «Ashes to Ashes», «Let's Dance», "Life On Mars?" , "Heroes", "The man who sold the world", şuşı cırnı "Nirvana" töp cırçısı Kurt Kobeyn soñğı konsertında başqara. Devid Bowi "Queen" törkeme belän xezmättäşlegendä "Under the pressure", ä Con Lennon belän "Fame" cırların icat itä.
1972 yılda Ziggi Stardast quşamatı astında glem-rok xäräkätendä qatnaşa, anıñ "The Rise and Fall of Ziggy Stardust and the Spiders from Mars" albomı Böyekbritaniäneñ hit-paradına kerä.
2016 yılnıñ 8 ğinwarında Devid Bowi "Blackstar" digän soñğı albomnı çığara häm ike könnän ülä.
"New Musical Express" jurnalınıñ soraştıruı buyınça Devid Bowi XX ğasırdağı başqa muzıkantlarğa iñ zur yoğıntı yasağan şäxes.
Devid Bowi berniçä filmdä töşerelä: The Man Who Fell to Earth (Saturn premiäse iäse), The Hunger, Labyrinth.
Dönyanıñ tarixında iñ mäşhür 100 rok-başqaruçı isemlegenä kerä.
«Space Oddity» ("Ğälämdäge ğädättän tış xäl") cırı Devidnı mäşhür itä, häm ğälämi himnga äwerelä, bu cırda mayor Tom ğälämdäge fäciğäse xaqında äytelä, Devid Bowi cırğa klip ğälämdä töşerergä xıyallanğan, läkin çire säbäple tormışqa aşıra almağan, ämmä anıñ dustı Chris Hadfield Xalıqara ğälämi stantsiändä ul klipnı töşerä.
This article uses material from the Wikipedia Tatarça / Татарча article Devid Bowi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мәгълүмат CC BY-SA 4.0 буенча таратыла (әгәр башкасы күрсәтелмәсә). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tatarça / Татарча (DUHOCTRUNGQUOC.VN) is an independent company and has no affiliation with Wiki Foundation.