Айгөл Хисмәтуллина: опера җырчысы (сопрано)

И. Чайковский исемендәге Халыкара конкурс лауреаты (Мәскәү, 2019, II премия һәм көмеш медаль).

Айгөл Хисмәтуллина
Төп мәгълүмат
Тулы исеме	Айгөл Хисмәтуллина
Туу көне	6 июнь 1989(1989-06-06) (34 яшь)
Туу урыны	СССР, РСФСР, ТАССР, Яр Чаллы
Эшчәнлек еллары	2014 - х. в.
Дәүләт	СССР→ РФ
Һөнәрләр	җырчы
Моң	колоратур сопрано
Кораллар	тавыш
Жанрлар	классика
Коллективлар	Мария театры[d]
Бүләкләр	халыкара конкурслар лауреаты
Айгуль Хисматуллина

1989 елның 6 июнендә Татарстан АССР Яр Чаллы шәһәрендә эшче гаиләсендә туган. Чаллыда музыка мәктәбенең хор бүлегендә аккордеон классында шөгыльләнгән. 9 классны тәмамлагач, Яр Чаллы педагогика көллиятенә укырга кергән. Анда 1 ел укыгач, сольфеджио буенча педагогы тәкъдиме белән Салих Сәйдәшев исемендәге Түбән Кама музыка көллиятенә күчә һәм әлеге уку йортын тәмамлый (тенор Владимир Алексеевич Конин классы).

2014 елда Нәҗип Җиһанов исемендәге Казан дәүләт консерваториясен тәмамлаган (РФ атказанган артисты Клара Әкрам кызы Хәйретдинова классы, лирик-драматик сопрано буларак әзерләгән), шуннан соң РФ атказанган артисты Альбина Әнвәр кызы Шаһиморатова җитәкчелегендә ассистентура-стажировка үткән (2014―2016). Муса Җәлил исемендәге Татар дәүләт опера һәм балет театрында тыңлаулар узган, әмма труппага кабул ителмәгән.

2016 елдан ― Приморье сәхнәсе солисты (Владивостокта Мария театры^[d] филиалы).

2017 елда Мария театры базасында халыкара Atkins Young Artists Program мәгариф проекты стипендиаты була. Валерий Гергиев һәм Вероника Аткинсның турыдан туры патронажы астында программа стипендиатлары тәҗрибәле белгечләр җитәкчелегендә камилләшү, шулай ук үзләрен Мария театры сәхнәләрендә һәм чит илләрдә сынап карау өчен уникаль мөмкинлек ала.

2018 елның февралендә Мария театры сәхнәсендә Стравинскийның «Соловей» операсында төп партиядә дебют ясый.

2018 елның 30 декабрендә Мария театрында Гаэтано Доницеттиның^[d] Вальтер Скотт романы мотивлары буенча язган «Лючия ди Ламмермур» операсында (Италия режиссеры Андреа де Роза куелышында) Лючия партиясен (икенче составта) башкара.

2019 елда Барселонада Франсиско Виньяс исемендәге конкурста беренче премия яулый, Барселонаның Лисеу театры белән аның спектаклендә катнашу өчен контракт төзи, 2022 елда аны «Риголетто» операсына Джильда роленә чакыралар.

2023/24 сезонында Лондонның Ковент-Гарден Король операсы сәхнәсенә чыгыш ясарга чакырыла, анда Төн Патшабикәсе партиясен башкара. Һәм аның белән Берлинда «Дойче Опера» да чыгыш ясый.

Мария театрында

• Антонида («Жизнь за царя»)
• Людмила («Руслан и Людмила»)
• Снегурочка («Снегурочка»)
• Марфа («Царская невеста»)
• Царевна Лебедь («Сказка о царе Салтане»)
• Соловей («Соловей»)
• Бледная дама («Игрок», Приморская сцена)
• Нинетта («Любовь к трем апельсинам»)
• Сирин («Нос»)
• Царица ночи («Волшебная флейта»)
• Адина («Любовный напиток»)
• Лючия («Лючия ди Ламмермур»)
• Джильда («Риголетто»)
• Наннетта («Фальстаф»)
• Лауретта («Джанни Скикки»)
• Цербинетта («Ариадна на Наксосе», концертное исполнение)
• Олимпия («Сказки Гофмана»)
• Лакме («Лакме»)
• Мелизанда («Пеллеас и Мелизанда»)
• Партия сопрано в Восьмой симфонии Малера и кантате «Кармина Бурана» Орфа

• Халыкара «Ак акация» рус романсы фестиваль-конкурсы лауреаты (Йошкар-Ола, 2009; I премия);
• Бөтенроссия музыкаль конкурсы лауреаты (2014, Мәскәү; III премия);
• Бибигөл Түләгәнова исемендәге VII Халыкара вокалистлар конкурсы (Астана, 2014), халык җырын иң яхшы башкарган өчен приз;
• Рәшит Ваһапов исемендәге Халыкара татар җыры фестивалендә яшь башкаручылар конкурсы лауреаты (Казан, 2015; I премия);
• Франсиско Виньяс исемендәге Халыкара вокалистлар конкурсы лауреаты (Барселона, Испания, 2019; I премия)
• XVI П. И. Чайковский исемендәге Халыкара конкурс лауреаты (Мәскәү, 2019, II премия һәм көмеш медаль) – «ялгыз җырлау» белгечлегендә ― икенче турда акапелла татар халык җыры «Сахралар»ны, финалда Мария театры оркестры белән «Алтын әтәч» операсыннан Шемаха патшабикәсе ариясен һәм «Наксостагы Ариадна» операсыннан Цербинетта ариясен башкарган.

Ире Евгений Ахмедов, Мария театры солисты (тенор) .