Kari Mawri

Pneeyah Taypingyang ka seediq Mawri, bobo betaq Aotearoa de, ini hari kpriyux ka hnghengak na kari daha, mngaangal kari pneeyah alang ini pntena, mkela mbahang ma mpprengo ka dseediq Mawri.

Hengak Bubu （母音）

Niqan hengak bubu puto daha ma, niqan hengak bubu qnedis uri, so ka:

• kēkē ‘armpit’ ∼ keke ‘cake’

• kākā ‘bird species’ ∼ kaka ‘garment’

• kōkō ‘tui, bird species’ ∼ koko ‘shovel’

• kīkī ‘speak’ ∼ kiki ‘kick’

• kūkū ‘pigeon’ ∼ kuku ‘mussel’

Hengak Laqi （子音）

Uka patis cbeyo ka seediq Mawri. Bobo na de, meeyah ka seediq Piritana Nui di. Ngalan daha patis Latin matis kari Mawri. Wano 15 hengak ka nniqan na kari Mawri, so ka:

• hengak bubu: a, e, i, o, u (+ ā, ē, ī, ō, ū)
• hengak laqi: h, k, m, n, ng, p, r, t, w, wh

"r" we hengak plhelah, "wh" we [f] uxe de [ɸ], ani si niqan [hʷ] ma [ʔʷ] uri.

Mntena kari Seediq, niqan dndulan kari ini pntena ka kari Mawri, so hari kari Tainui, Waikato, Ngai Tuhue...

Nii ka pnsseengan dndulan kari ini pntena:

Ko te katoa o ngā tāngata i te whanaungatanga mai e wātea ana i ngā here katoa; e tauriterite ana hoki ngā mana me ngā tika. E whakawhiwhia ana hoki ki a rātou te ngākau whai whakaaro me te hinengaro mōhio ki te tika me te hē, ā e tika ana kia meinga te mahi a tētahi ki tētahi me ma roto atu i te wairua o te noho tahi, anō he teina he tuakana i ringa i te whakaaro kotahi.

"Kana seediq bobo dheran nii we, traguh kndalax pnttingan ta; mntena ka beyax pusu ta. Pniqan gnkela ka knkingal seediq, kiya ka, asi ta ka mntena mptswayi mggaalu ma mptbale msuupu." (Tg1 patis, Kari Beyax Pusu Bobo Dheran)

Harlow, Ray. (2007). Māori: A linguistic introduction. Cambridge: Cambridge University Press.

Walis, Yen-chih, Sung. (2021). The Sound Systems of Kari Seediq and Te Reo Māori. Unreleased.