Gaga mniq Taytung Cangpinsyang ka alang Ciwkangan.
Gaga mniq Taytung Cangpinsyang ka alang Ciwkangan.
239 sapah ka kneegu na sapah, 628 hiyi ka kana knhbragan na hiyi. Tnpusu seejiq o mangal 93% niqan 581 hiyi sp, rahuq na uxay tnpusu seejiq o mangal 7% niqan 47 hiyi koia.
Kana ka kleegan seejiq ga, Amis90%, Puyuma1%, ni rahuq na o2%.
Hangan sbiyaw o Skeng, yasa egu bi btunux ka dgiyaq kiyig siyaw gsilung, mhru ruwan tasil ka qsiya, kika tmhangan seejiq Klmuka Skengcay msa.
Nyusan Taytung nsgan Cangbin alang Ciwkangan.
Gaga mniq daya Cangbin 1km sngari hiya ka alang Ciwkangan, mniq hunac yayung Skeng.
Breenux babaw dgiyaq.
Mgrig rulu:
Taypey>kwotaw 3 haw>kwotaw 3 cya lutuc elug Taypey(深坑端)>elug wunsan>syeyn106>syeyn109>Peyyi kungru>Pinhay kungru>suhwa kungru>Hwadung kiyig elug siyaw kungru>dhuq.
Amis.
Kari Amis ni Tlu.
Joro ni Teyeyncucyaw.
Hangan sbiyaw o Skeng, kika pnyahan pusu bi sjiqan Amis alang nii o kndadax brah bi hngkwasan kingal kbkuy siida do niqan da, ida niqan pntasan mniq《Taywan Yutu(臺灣輿圖)》seuxal da. Pnyahan sjiqan hini o pusu pnaah Dakangko, Nana ni Cimey, sayang o pusu bi seejiq Dakangko nniqan hini, kika niqan saw Pacidal, Sadipongan, Monari, Cilangasan dnii pnhiyug lutulan paru tnsapah.
Seuxal han o seasug dha alang, kingal o Takoliyaw, kingal o Ciwkangan(kika Skeng(石坑)). Saw hari brah hngkwasan mpitu kmxalan rima siida, Kisacu Tanah Tunux siida o iyux malu kmlawa dha alang nii o asi tnhjilan siyaw elug gsilung, kika phiyug alang Ciwkangan. Ini bsiyaq, pusu bi seejiq Beynan nAmis alang Barimangse seejiq ka tnhjil hini, kiya ni ini keegu ka seejiq, ida seejiq Amis siyaw gsilung ka bbiyax, niqan ka pnyahan na Taybaranse na yayung Syokujwan seejiq nAmis uri, yabi kndadax mnrmuxan Tanah Tunux siida do tnhjil hini da.
Niqan dha kingal nanaq ini hari pntna kndsan ka alang nii, niqan kingal alang o pnhmaan egu bi qqhuni Taywan Heytansu(台灣黑檀樹), qhuni nii o knhuway bi ka mdakil niya, qhuni pusu qhuni nii o mkkray balay ni ida ungac hari qtaan da, balay bi mniq Taywan o ini bi qtaan dwah. Tgdha o asi qtaun silung ka brah alang, kika srngaw bi miing btunux sjiqun hraan hidaw siyaw gsilung hini o malu bi saun giman btunux Yuswey(玉髓), yasa niqan bi egu saw klegan btunux Yu(玉) ni Swey(髓), kika saan bi gimun seejiq.
This article uses material from the Wikipedia Taroko article Ciwkangan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Rahuq nan ii o niqan kingal duri pgkla, aji saw kiya do ruwan ruwahan patas dmuuy kana CC BY-SA 4.0 gaya mgay biyax kklawa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taroko (DUHOCTRUNGQUOC.VN) is an independent company and has no affiliation with Wiki Foundation.