Ang Namp'o (opisyal na baybay sa Hilagang Korea: Nampho; pronounced ) ay isang lungsod at pantalang pandagat sa lalawigan ng Timog P'yŏngan, Hilagang Korea.
Nakatayo ang Namp'o sa hilagang baybayin ng Ilog Taedong, 15 kilometro silangan ng bukana nito. Dati isa itong antas-lalawigan na "Direktang-Pinamumunuang Lungsod" ("Directly-Governed City" o "Chikhalsi") mula 1980 hanggang 2004, at itinakda na isang "Natatanging Lungsod" ("T'ŭkgŭpsi"; tŭkpyŏlsi; 특별시; 特別市) noong 2010 at ginawang bahagi ng lalawigan ng Timog P'yŏngan. Matatagpuan ang Namp'o mga 50 kilometro timog-kanluran ng P'yŏngyang, sa may bukana ng Ilog Taedong.
Namp'o 남포시 | |
---|---|
Natatanging lungsod | |
남포특별시 | |
Transkripsyong Koreano | |
• Chosŏn'gŭl | 남포특별시 |
• Hancha | 南浦特別市 |
• McCune-Reischauer | Namp'o-t'ŭkpyŏlsi |
• Revised Romanization | Nampo-teukbyeolsi |
Panoramang urbano ng Nampo | |
Bansa | Hilagang Korea |
Lalawigan | Timog P'yŏngan |
Lawak | |
• Kabuuan | 829 km2 (320 milya kuwadrado) |
Populasyon (2008) | |
• Kabuuan | 366,815 |
• Wikain | P'yŏngan |
Dati isang maliit na nayong nangingisda ang Namp'o na naging isang pantalan para sa panlabas na kalakalan noong 1897, at umunlad na naging isang makabagong pantalan noong 1945 pagkaraan ng Ikalawang Digmaang Pandaigdig. Kalakip ng mabilis na pagdami sa pamumuhunan ng estado, lumaki ang kakayanan ng industriya ng lungsod. Ilan sa mga pasilidad pang-industriya ng lungsod ay ang Namp'o Smelter Complex, ang Namp'o Glass Corporation, ang Namp'o Shipbuilding Complex, ang Namp'o Fishery Complex, at ibang mga sentral at lokal na pagawaan. Isang sentro ng paggawa ng barko sa bansa ang Namp'o. Sa hilaga ng lungsod ay mga pasilidad para sa transportasyong pangkargamento, mga produkto na nabubuhay sa tubig, at palaisdaan, at isang pagawaan ng dagat-asin (sea salt). Ang mga mansanas na itinatanim sa distrito ng Ryonggang (룡강군) ay isang tanyag na lokal na produkto.
Gabay panlakbay sa Nampo mula sa Wikivoyage
This article uses material from the Wikipedia Tagalog article Nampo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Maaaring gamitin ang nilalaman sa ilalim ng CC BY-SA 4.0 maliban kung nabanggit. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tagalog (DUHOCTRUNGQUOC.VN) is an independent company and has no affiliation with Wiki Foundation.