Sapar Öräýew —Türkmenistanyň halk ýazyjysy, Magtymguly adyndaky Halkara baýragynyň eýesi, Türkmenistanyň il ýaşulysy.
Bu makalada hiç bir maglumat hakynda salgylanma ýok. |
Sapar Öräýew 1932-nji ýylyň 29-njy ýanwarynda Daşoguz welaýatynyň Görogly etrabynda doguldy. Daşoguzyň Beki Seýtäkow adyndaky mugallymçylyk mekdebini,Moskwanyň Maksim Gorkiý adyndaky iki ýyllyk kursuny tamamlady.
Sapar Öräýew lirik şahyrdyr. Onuň onlarça liriki poemalary we goşgulary ynsan gözelligini,onuň sada zähmetini ýokary çeperçilik bilen wasp edýär. Şahyryň ussatlyk bilen ýazylan şygyrlarynyň birnäçesine kompozitorlarymyz saz düzdüler. Şahyryň "Gyzlaryň","Çopanlar","Gözlerim seni gözlär" ýaly onlarça şygyrlaryna düzülen aýdymlary ussat aýdymçylarymyz,çeper höwesjeňlerimiz halk arasynda ürç edip ýerine ýetirýärler.
Sapar Öräýew köplenç ulular üçin ýazýan bolsa-da,çagalary hem gözden salmaýan şahyr. Onuň çagalar üçin ilkinji kitaby 1964-nji ýylda "Yzlar" ady bilen çap edildi. "Gül bilen gurjak","Akdereli Akmaral","Geliň oýnalyň" ýaly kitaplary hem ýörite çagalara we ýetginjeklere niýetlenendir.
"Oba oglany" atly roman-ýatlamasy Sapar Öräýewi kyssaçy hökmünde-de tanatdy. Bu romanda çagalygy uruş ýyllaryna gabat gelen oba oglanlarynyň öz öňünde goýan maksadyna ýetmek üçin döz gelen kynçylyklary beýan edilýär. Göreşlerden doly ykbaly dartgynly wakalaryň üsti bilen teswirlenýär.
This article uses material from the Wikipedia Türkmen article Sapar Öräýew, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Başga görkezilmedik bolsa, mazmun CC BY-SA 4.0 esasynda elýeterlidir. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Türkmen (DUHOCTRUNGQUOC.VN) is an independent company and has no affiliation with Wiki Foundation.