Akmyrat Hojanyýaz

1960-njy ýylyň 22-nji iýulynda Halaç etrabynyň Pelwert obasynda dünýä indi. 1981-nij ýylda W.I.Lenin adyndaky pedagogik (häzirki Seýitnazar Seýdi adyndaky mugallymçylyk) institutynyň taryh-filologiýa fakultetini türkmen dili we edebiýaty mugallymy hünäri boýunça tamamlandan soň, öz bilim alan mekdebinde ýaşlara sapak berdi.

Akmyrat Hojanyýaz
Käri	Şahyr, ýazyjy
Doglan senesi	22.07.1960

Ykbalyny döredijilige ymykly baglamak maksady bilen, Aşgabada geldi. “Sowet Türkmenistany” (soňra “Türkmenistan”), “Edebiýat we sungat”, “Nesil” gazetlerinde habarçy, uly habarçy, bölüm müdiri, baş redaktoryň orunbasary ýaly, dürli wezipelerde, Türkmenistanyň Prezidentiniň Metbugat gullugynyň referenti bolup işledi. Garaşsyz Türkmenistanyň ilkinji harby neşiriniň döredilmegi bilen, “Esger” gazetiniň baş redaktory wezipesine bellenildi. Häzirki wagtda “Türkmenistan” gazetiniň bölüm redaktory.

Akmyrat Hojanyýazyň goşgular ýygyndylary, şeýle-de syýasy-publisistik makalalaryny öz içine alýan ýygyndylary dürli ýyllarda “Magaryf”, “Türkmenistan” neşirýatlary tarapyndan çap edildi. Onuň terjime etmeginde Gündogaryň beýik akyldarlary Hoja Ahmet Ýasawynyň, Möwlana Jelaletdin Rumynyň, Nyzamy Genjewiniň, Feridetdin Attaryň, Hafyzyň, meşhur awar şahyry Resul Gamzatowyň we beýlekileriň eserleri türkmen okyjylaryna ýetirildi.

Iň täze eseri bolan "Watan hakynda aýdym" 2019-njy ýylda okyjylar köpçüligine ýetirildi. 5 müň nusgalykda çapdan çykan bu kitap «Ýurdum, beýik Ogluň bar!», «Öz ýurdum», «Dolanmak», «Di­ňe söýgi bilen...», «Dünýäniň işi», «Kiçijik goşgular», «Ýa, Jelil!» atly bölümlerden ybarat bolup, olarda şahyryň dürli ýyllarda ýazan goşgulary ýerleşdirilipdir.

Aydym.com internet saýtyna görä, 2020-nji ýylda hem-de 2021-nji ýylyň ilkinji aýlaryna Akmyrat Hojanyýazyň "Watan hakynda aýdym" kitabyndan öz sesi bilen okan "Watannama" goşgusy Türkmenistanda iň köp diňlenýän goşgy diýip hasap edildi.

"Watan hakynda aýdym" eserinden öz okan goşgularyndan iň köp diňlenýänleri:

1. Watannama
2. Berkden bolarmy
3. Men munda
4. Bihabar Archived 2021-01-31 at the Wayback Machine
5. Ody öçmesin ojagyň..
6. Essalowmaleýkim...
7. Agla janym..
8. Seni söýýänimi dostuma aýtdym..
9. Gözlerim kör bolsa, bilgin...
10. Bu zatlaryň şeýle bolýandygyna ...
11. Seni hiç kim mençe söýmez
12. Ýaşyk keteniňi geçip çyksana...
13. Jan bilen ten bir bolmasa
14. Sazlaryna melul eden gazlaryň...
15. Beýiklik diýen zat...
16. Dessan ýalysyň...
17. Söýmän oňaryn

• Beýleki goşgulary

Ol

• Türkmenistanyň Ýaşlar baýragynyň,
• “Watana bolan söýgüsi üçin”,
• “Gaýrat” medallarynyň,
• “Galkynyş” ordeniniň eýesi,
• Türkmenistanyň Prezidentiniň “Türkmeniň Altyn asyry” atly bäsleşiginiň birnäçe gezek ýeňijisi.