«Барои адабиёти сотсиалистӣ» («БАС») — маҷаллаи ҳармоҳаи адабии нависандагони Тоҷикистон.
Маҷалла аз августи 1935 то октябри 1937 дар заминаи маҷаллаи «Раҳбари дониш» (1927-1932) нашр шудааст. Аз соли 1938 «Шарқи сурх» ном гирифт. Нашри «Барои адабиёти сотсиалистӣ» мувофиқи қарори КМ ВКП (б) аз 23 апрели соли 1932 «Дар бораи азнавсозии ташкилотҳои адабӣ-бадеӣ» ба роҳ монда шуда буд. Дар шумораи 1-уми «Барои адабиёти сотсиалистӣ» қарори зикршуда, манзумаи Пайрав Сулаймонӣ «Ба миллитаристони Япония», мақолаи Ғанӣ Абдулло «Барои танқиди болшевикона» ва шеъру мақолаҳои дигар адибони тоҷик ба табъ расиданд. Соли 1934 ба муносибати ҳазораи Ҳаким Фирдавсӣ дар «Барои адабиёти сотсиалистӣ» мақолаҳои пурмӯҳтавои Садриддин Айнӣ («Фирдавсӣ ва „Шоҳнома“-и ӯ»), Бектош («Абдулқосими Фирдавсӣ»), Фитрат («Фирдавсӣ») чоп шуданд. «Барои адабиёти сотсиалистӣ» чун минбари боэътимоди адибони Тоҷикистон барои пешрафти адабиёти шӯравии тоҷик, муттаҳид гардидани адибон, шиносонидани адибони маъруфи дунё ба хонандаи тоҷик ва ғ. хидмати арзандаеро ба ҷо овард. Ба ҳайати таҳририяи «Барои адабиёти сотсиалистӣ» А. Лоҳутӣ (сармуҳаррир), С. Айнӣ, С. Улуғзода, Б. Азизӣ, Р. Абдулло ва диг. шомил буданд.
This article uses material from the Wikipedia Тоҷикӣ article Барои адабиёти сотсиалистӣ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Муҳтаво таҳти иҷозатномаи CC BY-SA 4.0 ва ё дигар дастрас аст. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тоҷикӣ (DUHOCTRUNGQUOC.VN) is an independent company and has no affiliation with Wiki Foundation.