Зарфи Сабаб
Зарфи сабаб сабаби ба вуҷуд омадани ё наомадани амалу ҳолатро ифода мекунад.
Ин гурӯҳи зарфҳо миқдоран хеле каманд: ночор, ноилоҷ, саҳван, маҷбуран, беихтиёр, тасодуфан.
Мисолҳо
- Ночор сари аспро аз он тараф гардонда ба сари дигар кӯча нигоҳ карда давондам (Садриддин Айнӣ).
- Берунӣ ва донишмандони дигар ҳам ноилоҷ ба онҳо пайравӣ намуданд (Сотим Улуғзода).
Зарфи сабаб аз ҳисоби таркибҳои устувор пурра гашта истодааст: чор-ночор, хоҳу-нохоҳ, хоҳам-нахоҳам, бечуну чаро, баҳудаву беҳуда.
Мисолҳо
- Сад бор ба худ қавл додааст, ки забонашро нигоҳ дорад, ба одамон беҳудаву баҳуда пичинг нагӯяд (Фазлиддин Муҳаммадиев).
- Маҳмуд китобро кушода хоҳаму нахоҳам варақ задан мегирад (Сотим Улуғзода).
Нигаред низ
Адабиёт
- Грамматикаи забони адабии ҳозираи тоҷик. Қисми 1: Фонетика ва морфология. — Душанбе: Дониш, 1985. — 274 саҳ.
This article uses material from the Wikipedia Тоҷикӣ article Зарфи сабаб, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Муҳтаво таҳти иҷозатномаи CC BY-SA 4.0 ва ё дигар дастрас аст. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тоҷикӣ (DUHOCTRUNGQUOC.VN) is an independent company and has no affiliation with Wiki Foundation.