Антонин Дворжак

Дворжак мусиқачӣ бо қобилияти ҳартарафа, скрипканавози моҳир, алтнавоз, пианинонавоз ва арғунуннавоз буд. Аммо шуғли асосӣ дар ҳаёташ эҷодиёти мусиқӣ боқӣ монд. Дворжак – муаллифи 10 опера, оратория ва кантата, 9 симфония, 5 достони симфонӣ, 6 увертюра, ду силсилаи «Рақсҳои славянӣ» ва асарҳои дигар барои оркестр; консертҳо барои фортепиано, барои скрипка, барои виолончел бо оркестр, асарҳои камеравӣ – созӣ, пиесаҳо барои фортепиано ва ғ. Дворжак — яке аз асосгузорони мусиқии классикии чех, давомдиҳандаи анъанаҳои ватандӯстонаи В. Сметана ва офарандаи симфонияи миллӣ мебошад. Якчанд сол ӯ профессор ва директори Консерваторияи Париж, инчунин директори Консерваторияи миллӣ дар Ню-Йорк буд. Минбаъд на фақат композитор, ҳамчунин ба ҳайси дирижёр, Дворжак тез-тез дар шаҳрҳои гуногуни Аврупо аз асарҳои худаш баромад кардаст (дар с. 1890 дар Маскав ва Петербург сафари ҳунарӣ дошт). Дар асарҳои ӯ – суруд ва рақсҳои фолклории славянӣ асос доранд.