Antonín Leopold Dvořák (translitterate etiam ut Antonino Dvorak; 8 de septembre 1841 - 1 de maio 1904) esseva un compositor chec.
Ille es un del personas extraordinari del cultura musical mundial e insimul con Bedřich Smetana ille es considerate como le fundator del moderne musica chec. Ille es un del representantes principal del synthesis classic-romantic e sin dubita le plus ben cognoscite e jocate compositor chec.
Le grande fama international, de que ille se poteva gauder jam durante su vita, contribueva al crescentia del prestigio del cultura chec. Per su labor pedagogic in le Conservatorio National de Musica in New York inter 1892-1895 ille anque influeva le evolution del musica american.
Su production principalmente consiste de compositiones instrumental (symphonias, musica de camera, solos instrumental) ma importante es anque su obras spiritual, cantos e operas. Tractos typic del musica de Dvořák es le invention melodic ric e original, sovente inspirate de folklore, rhythmo distincte e instrumentation colorate.
This article uses material from the Wikipedia Interlingua article Antonín Dvořák, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contento es disponibile sub CC BY-SA 4.0 salvo indication contrari. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Interlingua (DUHOCTRUNGQUOC.VN) is an independent company and has no affiliation with Wiki Foundation.