సీతారాం నాయక్

2014లో తెలంగాణ రాష్ట్ర సమితి తరపున మహబూబాబాద్ లోక్‌సభ నియోజకవర్గం నుండి పార్లమెంట్ సభ్యుడిగా గెలుపొందాడు.

సీతారాం నాయక్
మాజీ పార్లమెంట్ సభ్యుడు
పదవీ కాలం జూన్ 2014 – ఏప్రిల్ 2019
ముందు	పోరిక బలరాం నాయక్
నియోజకవర్గం	మహబూబాబాద్ లోక్‌సభ నియోజకవర్గం
వ్యక్తిగత వివరాలు
జననం	1957, ఆగస్టు 20 మల్లేపల్లి, వరంగల్ జిల్లా, తెలంగాణ, భారతదేశం
రాజకీయ పార్టీ	భారతీయ జనతా పార్టీ
ఇతర రాజకీయ పార్టీలు	బీఆర్ఎస్
సంతానం	ఒక కూతురు, ఇద్దరు కుమారులు (రాకేష్, రాజేష్)
నివాసం	హైదరాబాద్, తెలంగాణ, భారతదేశం
మతం	హిందూ

సీతారాం నాయక్ 1957, ఆగస్టు 20న లక్ష్మణ్ - మంగమ్మ దంపతులకు తెలంగాణ రాష్ట్రం, వరంగల్ జిల్లాలోని మల్లేపల్లిలో జన్మించాడు. వరంగల్‌లోని కాకతీయ విశ్వవిద్యాలయం నుండి ఎంఎస్సీ, పి.హెచ్.డి. పూర్తిచేశాడు.

సీతారాంకు 1978, జూన్ 8న శారదతో వివాహం జరిగింది. వారికి 2 కుమారులు, 1 కుమార్తె ఉన్నారు.

కాకతీయ విశ్వవిద్యాలయం అకాడమిక్ సెక్షన్ లో పనిచేశాడు. ప్రత్యేక తెలంగాణ ఉద్యమంలో క్రియాశీల తెలంగాణ ఉద్యమ కార్యకర్తగా పాల్గొన్నాడు.

2014 లోక్‌సభ ఎన్నికలలో మహబూబాబాద్ లోక్‌సభ నియోజకవర్గం నుంచి కేంద్ర మాజీ మంత్రి, భారత జాతీయ కాంగ్రెస్ అభ్యర్థి పోరిక బలరాం నాయక్ పై 34,992 ఓట్ల మెజారిటీతో గెలుపొందాడు.

సీతారాం నాయక్ 2024 మార్చి 10న ఢిల్లీలో బీజేపీ రాష్ట్ర వ్యవహారాల ఇన్‌ఛార్జి తరుణ్‌చుగ్‌ సమకంలో భారతీయ జనతా పార్టీలో చేరాడు.

• 2014 సెప్టెంబరు 1 నుండి: సభా సమావేశాలకు సభ్యులు గైర్హాజరుపై కమిటీ సభ్యులు
• కమ్యూనికేషన్స్, ఇన్ఫర్మేషన్ టెక్నాలజీ మంత్రిత్వ శాఖ కన్సల్టేటివ్ కమిటీ సభ్యుడు
• 2017 సెప్టెంబరు 1 - 2017 నవంబరు 2: సామాజిక న్యాయం - సాధికారతపై స్టాండింగ్ కమిటీ సభ్యుడు
• 2017 నవంబరు 3 నుండి: రసాయనాలు, ఎరువులపై స్టాండింగ్ కమిటీ సభ్యుడు