ಪಿ.ವಿ.ಸಿಂಧು

ಹೈದರಾಬಾದ್‍ದ ಗೋಪಿಚಂದ್ ಬ್ಯಾಡ್ಮಿಂಟನ್ ಅಕಾಡೆಮಿಡ್ ತರಬೇತಿ ದೆತೊನೊಂದುನಾರ್ ಇಂಬೆರ್, ಭಾರತೊದ ಕ್ರೀಡಾಪಟುಲೆನ್ ಪೆರ್ಮೆದ ಸ್ವಸಹಾಯ ಸಂಸ್ಥೆ ಒಲಿಂಪಿಕ್ ಗೋಲ್ಡ್ ಕ್ವೆಸ್ಟ್ಡ್ ಪಾಲ್ ಪಡೆವೊಂದೆರ್. ೧೦ ಆಗಸ್ಟ್ ೨೦೧೩ಟ್ ಇಂಬೆರ್ ಚೀನಾಡ್ ನಡತ್ತಿನ ವಿಸ್ವೊ ಬ್ಯಾಡ್ಮಿಂಟನ್ ಚಾಂಪಿಯನ್ಷಿಪ್ (ಪ್ರಕಾಶ್ ಪಡುಕೋಣೆ ೧೯೮೩ಡ್ ಕಂಚಿದ ಪದಕೊನು ಗೆಂದ್‍ದೆರ್. ಬೊಕ್ಕ ಭಾರತೊದ ಸುರೂತ ಸಿಂಗಲ್ಸ್ ಪದಕೊನು) ಸಿಂಗಲ್ಸ್‌ಡ್ ಪದಕೊ ಗೆಂದಿನ ಸುರುತ ಭಾರತೊದ ಪೊಂಜೋವು. ಸೆಪ್ಟೆಂಬರ್ ೨೧, ೨೦೧೨ ದಾನಿ ಬುಡುಗಡೆ ಮಲ್ತಿನ ಬ್ಯಾಡ್ಮಿಂಟನ್ ವರ್ಲ್ಡ್ ಫೆಡರೇಶನ್ ಶ್ರೇಯಾಂಕೊಡು ಸುರೂತ ೨೦ನೆ ಸ್ರೇನಿಡ್ ಇತ್ತೆರ್. ಬಿಡಬ್ಲ್ಯೂಎಫ್ ಜೂನಿಯರ್ ಸ್ರೇಯಾಂಕೊಡು ೩ ನೆದ ಜಾಗೊಡುಲ್ಲೆರ್.

 

ಪಿ.ವಿ ಸಿಂಧು ಪುಟ್ಟ್ ದ್‍ನೆ ಹೈದರಾಬಾದ್‌ಡ್. ಅಮ್ಮೆರ್ ಪಿ.ವಿ. ರಮಣ ಬುಕ್ಕೊ ಅಪ್ಪೆ ಪಿ. ವಿಜಯ. ಸಿಂಧುನ ಅಪ್ಪೆ ಅಮ್ಮೆರ್ ಇರ್ವೆರ್‍ಲಾ ಮಾಜಿ ವಾಲಿಬಾಲ್ ಗೊಬ್ಬುದಕುಲು ಪನ್ಪುನ ಒಂಜಿ ಇಸೇಸೊ. ಭಾರತ ಸರ್ಕಾರ ಕೊರ್ಪುನ ಪೆರ್ಮೆದ ಅರ್ಜುನ ಪ್ರಶಸ್ತಿಗ್ ಪಿ.ರಮಣೆರ್ ೨೦೦೦ ನೆ ಇಸವಿಡ್ ಭಾಜನೆರಾತೆರ್. ಅಮ್ಮೆರ್ ವೃತ್ತಿಪರ ವಾಲಿಬಾಲ್ ಗೊಬ್ಬುದಾರ್ ಆದಿತ್ತೆರ್ಂಡಲಾ ಸಿಂಧು ಮಾತ್ರೊ ಬ್ಯಾಡ್ಮಿಂಟನ್‍ಗ್ ಆಕರ್ಸಿತೆರಾಯೆರ್. ಅಯಿಕ್ ಕಾರಣೊ, ೨೦೦೧ನೆತ ಆಲ್ ಇಂಗ್ಲೆಂಡ್ ಓಪನ್ ಬ್ಯಾಡ್ಮಿಂಟನ್ ಚಾಂಪಿಯನ್ ಆದಿತ್ತ್‌ನ ಪುಲ್ಲೇಲ ಗೋಪಿಚಂದ್‍‌ರೆ ಪುದರ್ ಬುಕ್ಕೊ ಆರೆನ ಸ್ಫೂರ್ತಿ. ಸಿಂಧು ಎನ್ಮನೆತ ವರ್ಸೊಡೇ ಬ್ಯಾಡ್ಮಿಂಟನ್ ಗೊಬ್ಬೆರೆ ಸುರು ಮಲ್ತಿತ್ತಲ್. ಉಂದುಲಾ ಸಿಂಧುನು ಬ್ಯಾಡ್ಮಿಂಟನ್ ಕಡೆಕ್ ಒಯ್ಪೆರೆ ಕಾರಣೊ ಅಂಡ್.

ಸುರುಕು ಸಿಂಧು ಸಿಕಂದರಾಬಾದ್‍ದ ಭಾರತೀಯ ರೈಲ್ವೆ ಇನ್ಸ್ಟಿಟ್ಯೂಟ್ ಆಫ್ ಸಿಗ್ನಲ್ ಎಂಜಿನಿಯರಿಂಗ್ ಬುಕ್ಕೊ ದೂರಸಂಪರ್ಕ ಸಂಸ್ಥೆದ ಬ್ಯಾಡ್ಮಿಂಟನ್ ಕೋರ್ಟ್ಗ್‌ಡ್ ಮೆಹಬೂಬ್ ಅಲಿ ಆರೆನ ಮಾರ್ಗದರ್ಶನೊಡು ಗೊಬ್ಬುದ ಕ್ರಮೊಲೆನ್ ಕಲ್ತೆರ್. ಬುಕ್ಕೊ ಪುಲ್ಲೇಲ ಗೋಪಿಚಂದ್ ಆರೆನ ಬ್ಯಾಡ್ಮಿಂಟನ್ ಅಕಾಡಮಿಗ್ ಸೇರಿಯೆರ್.

• ಕೆ.ಶ್ರೀಕಾಂತ್‌
• ಸೈನಾ ನೆಹವಾಲ್

• ಮಲೇಶ್ಯಾ ಓಪನ್ ಪೈನಲ್‍ಗ್ ಪೋಯಿನ ಪಿ.ವಿ.ಸಿಂಧು^{[dead link]}
• P. V. Sindhu at ಒಲಿಂಪಿಕ್ ಗೋಲ್ಡ್ ಕ್ವೆಸ್ಟ್
• P. V. Sindhu at ಗೋಪಿಚಂದ್ ಬ್ಯಾಡ್ಮಿಂಟನ್ ಅಕಾಡೆಮಿ
• P. V. Sindhu at tournamentsoftware.com
• TOI,Aug,20,2016, All That Glitters Is Not Gold^{[dead link]}