பெரிய நிக்கோபார் தீவு ( Great Nicobar இந்தி: बड़ा निकोबार, நிக்கோபாரி: टोकिओंग लोंग, Tokieong Long) என்பது இந்தியாவின் நிக்கோபார் தீவுகளில் பெரிய பகுதியாகும்.
இது சுமத்ரா தீவின் வடக்கில் உள்ளது. இத்தீவு 1045 கி.மீ2 பரப்பளவு உடையது, என்றாலும் இதன் மக்கள் தொகை மிக்க்குறைவாக 9,440 மட்டுமே கொண்டது. இத்தீவு பெருமளவு மழைக் காடுகளைக் கொண்டு காட்டுயிர்களின் புகளிடமாக உள்ளது.
பெரிய நிக்கோபார் தீவு வரைபடம் | |
புவியியல் | |
---|---|
அமைவிடம் | வங்காள விரிகுடா |
ஆள்கூறுகள் | 6°45′N 93°50′E / 6.750°N 93.833°E |
தீவுக்கூட்டம் | நிக்கோபார் தீவுகள் |
பரப்பளவு | 1,045 km2 (403 sq mi) |
உயர்ந்த ஏற்றம் | 642 m (2,106 ft) |
உயர்ந்த புள்ளி | துய்லியர் மலை |
நிர்வாகம் | |
ஒன்றிய பகுதி | அந்தமான் நிக்கோபார் தீவுகள் |
மக்கள் | |
மக்கள்தொகை | 9,440 (2001) |
இத்தீவில்தான் மகா நிக்கோபார் உயிர்க்கோளக் காப்பகம், இந்திரா முனை ஆகியவை உள்ளன. இந்த இந்திரா முனைதான் இந்தியாவின் தென்முனையாக உள்ளது. மேலும் ஐ. என். எஸ். பாஸ் கடற்படை விமான நிலையமும் அதன் அருகே காம்ப்பெல் பே கூட்டு சேவைகள் கீழ் இந்திய பாதுகாப்புப் படைகளைச் சேர்ந்த அந்தமான் நிக்கோபார் வானூர்தி படைப்பிரிவும் (ஏ. என். சி ) உள்ளன. இதுவே இந்திய படைத்துறையின் தென்கோடி வானூர்தி நிலையமாகும்.
இத்தீவு 2004 இந்திய பெருங்கடல் நிலநடுக்க ஆழிப்பேரலையின்போது பெருமளவு பாதிக்கப்பட்டது. அச்சமயம் வெளியுலக தொடர்பிலிருந்து ஒரு நாள்வரை துண்டிக்கப்பட்டிருந்தது.
இத்தீவில் அலெக்சாந்ரா, அம்ரித் கவுர், துக்மர், கலாதியா போன்ற பல ஆறுகள் உள்ளன. கிட்டத்தட்ட அனைத்து ஆறுகளும் தொற்கு அல்லது தென்மேற்கு திசையில் பாய்வது இத்தீவின் நிலப்பரப்பு எப்பக்கம் சாய்ந்துள்ளது என்பதை குறிப்பதா உள்ளது. இத்தீவில் நிறைய மலைத் தொடர்கள் காணப்படுகிறன. இதில் முதன்மையான தொடர் வடக்கு- தெற்காக அமைந்துள்ளது. இத்தொடரில்தான் துய்லியர் மலை உள்ளது, இதுவே கடல் மட்டத்தில் இருந்து 642 மீட்ர் உயரத்தில் உள்ள பகுதியாகும்.
இந்திரா முனை (6 ° 45'10 "வ மற்றும் 93 ° 49'36" கி) என்ற பகுதியே பெரிய நிக்கோபார் தீவு மற்றும் இந்தியாவின் தென்கோடி புள்ளியாக உள்ளது. இந்திரா முனை 26 திசம்பர் 2004 ஆண்டைய ஆழிப்பேரலையின்போது பாதிக்கப்பட்டது. இதனால் இங்கிருக்கும் கலங்கரை விளக்கம் சேதமடைந்திருந்தது. கலங்கரை விளக்கம் பின்னர் செய்யப்பட்டு செயல்பட்டு வருகிறது.
தீவின் பெரும்பான்மை பகுதி மகா நிக்கோபார் உயிர்க்கோளக் காப்பகமாக உள்ளது. இப்பகுதி பல அகணிய உயிரிகளான தாவரங்கள், விலங்குகள் ஆகியவற்றின் உறைவிடமாக உள்ளது. இங்குள்ள சில குறிப்பிடத்தக்க உயிரினங்கள் நிக்கோபார் ஸ்குருப்பலோ பறவை, எடிபிலி-கூட்டு ஸ்விஃப்லிட், நிக்கோபார் நீண்ட வால் குரங்கு, உவர்நீர் முதலை, பேராமை, மலேய பெட்டி ஆமை , நிக்கோபார் மர மூஞ்சூறு , இராச மலைப்பாம்பு, தேங்காய் நண்டு ஆகியவை ஆகும்.
இந்த தீவு ஷோம்பென் மக்களின் தாயகமாக உள்ளது.
இங்கு கிழக்கு கடற்கரையில் 915மீ விமான ஓடுபாதை உள்ளது.
This article uses material from the Wikipedia தமிழ் article பெரிய நிக்கோபார் தீவு, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.