Tari Balèt
Balét mangrupa ngaran salah sahiji téhnik tarian. Karya tari nu dikoréografi ngagunakeun ieu téhnik dingaranan tari balét nu ngawengku tari éta sorangan, mime, akting, jeung musik (boh musik orksétra atawa nyanyian). Balét bisa dipintonkeun ku sorangan atawa minangka bagéan tina pagelaran opera. Balét kasohor ku téhnik virtouosna saperti pointe work, grand pas de deux, jeung ngangkat suku. Téhnik balét loba nu mirip jeung téhnik anggar, lantaran duanana mekar dina waktu nu sarua. Salian ti éta, duanana ogé merlukeun téhnik kasaimbangan jeung gerakan nu sarua.
Sajarah Kamekaran
Kecap balét asalna tina kecap ballo. Istilah ballo mimiti digunakeun ku Domenico da Piacenza (dina De Arte Saltandi et Choreas Ducendi) nepi ka karyana dipikawanoh minangka balleti atawa balli nu tuluy jadi ballet. Istilah ballet sorangan dijieun ku Balthasar de Beaujoyeulx dina Ballet Comique de la Royne (1581) nu mangrupa ballet comique (drama ballet). Dina taun nu sarua, Fabritio Caroso medalkeun Il Ballarino nu mangrupa panduan téhnis ngeunaan prak-prakan tari balét nu ngabalukarkeun Italia jadi puseur utama dina kamekaran tari balét.
This article uses material from the Wikipedia Basa Sunda article Tari Balèt, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eusi nu nyangkaruk ditangtayungan ku CC BY-SA 4.0 iwal lamun disebutkeun béda. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Sunda (DUHOCTRUNGQUOC.VN) is an independent company and has no affiliation with Wiki Foundation.