Rarangkén N- atawa nasal mangrupa salah sahiji rarangkén hareup (en:afix) pikeun ngawangun kecap-kecap rundayan dina Basa Sunda.
Artikel ieu teu boga rujukan sumber nu bisa dipercaya jadi eusina teu bisa divérifikasi. Pitulung ngabenerkeun artikel ieu kalawan nambihkeun rujukan nu bener. Artikel nu teu bisa divérifikasi bisa dihupus ku Kuncén. |
Topik Kecap Rundayan dina Basa Sunda |
---|
Rarangkén hareup: |
Salian ngawangun rupa-rupa wangun jeung harti, rarangkén N- ngalaman parobahan sora (alomorf) gumantung kana hurup awal kecap nu di hareupeunana.[rujukan?]
Robah jadi | Nyanghareupan ... | Conto: |
---|---|---|
m- | b2), p | N- + baca --> maca N- + pacul --> macul |
n- | t | N- + takol --> nakol |
ng- | k, a, w1) | N- + kaca --> ngaca N- + ais --> ngais |
nga- | b, d, g, h, j, l, m, n, w, y | N- + balik --> ngabalik N- + degung --> ngadegung |
ny- | c, s | N- + cutat --> nyutat N- + sapu --> nyapu |
nge- | konsonan saengang | N- + tik --> ngetik N- + bor --> ngebor |
1) Ieu mangrupa sempalan, teu salawasna N- + w... --> ng..., lolobana robahna jadi ngaw...
2) Ieu mangrupa sempalan, teu salawasna N- + b... --> m..., lolobana robahna jadi ngab...
Warna kecap | Harti | Conto |
---|---|---|
pagawéan aktif | "ngedalkeun ..." | ngadu'a, ngadongéng, nyarita, nyora |
pagawéan aktif | "ngalakukeun ..." | maca, nginum, ngigel, ngaji, masak |
pagawéan aktif | "ngalakukeun pagawéan ku/maké ..." | ngawuluku, nyugu, ngecrik, ngarit, ngabuldoser |
pagawéan aktif | "ngalakukeun di ..." | masantrén, masar, ngaranca ngebon, nyawah, ngahuma |
pagawéan aktif | "boga ..." | ngarasa |
pagawéan aktif | "milampah saperti ..." | ngabdi, ngawula, ngajag |
pagawéan aktif | "méré ..." | meunteun, ngahampura, ngahormat, ngama'lum |
pagawéan aktif | "nyieun ..." | ngagambar, nyayur, nyambel, ngabordél, nyulam |
pagawéan aktif | "ngalakukeun dina waktu ..." | ngalayung, nyubuh, moyan, meuting |
pagawéan aktif | "nyieun jadi ...." | ngaruksak, meulah, ngalebur |
pagawéan aktif | "nganggap ..." | ngahina, ngahampas, nyatru |
pagawéan aktif | "aya dina kaayaan ..." | ngagolér, ngadayagdag, ngabaheuhay, ngedéng |
pagawéan aktif | "dahar/nginum ..." | ngabaso, nyirop, nyoto, ngopi, ngemih |
pagawéan aktif | "nyanghareup/ngajugjug ka ..." | ngiblat, ngalér, ngidul, ngétan, ngulon |
pagawéan aktif | "ngaluarkeun sora ..." | ngagogog, ngagaur, ngahiem, ngabérélé, ngahahah, ngorosak |
sipat | "kaayaan saperti ..." | ngolécér, nyagak, mayung, nanjeur |
sipat | "boga sipat ..." | nyeni, nyentrik, ngedul, ngota |
This article uses material from the Wikipedia Basa Sunda article Rarangkén N-, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eusi nu nyangkaruk ditangtayungan ku CC BY-SA 4.0 iwal lamun disebutkeun béda. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Sunda (DUHOCTRUNGQUOC.VN) is an independent company and has no affiliation with Wiki Foundation.