Pada
Pada téh nyaéta beungkeutan rakitan pupuh nu diwangun ku sababaraha padalisan, unggal padalisan ilahama ditulis sajajar-sajajar.
Pada unggal pupuh béda-béda, boh nilik jumlah padalisanana nilik réana engang dina saban padalisan, boh nilik sorana (vokal) dina engang panungtung unggal padalisan. Unggal pupuh miboga patokan nu geus tangtu. Guguritan umumna diwangun ukur ku sababaraha pada atawa puluhan pada, ari wawacan biasana diwangun ku ratusan pada sabab panjang ngalalakon (naratif).
Conto
Ieu di handap conto tilu pada pupuh maskumambang, dipetik tina guguritan Sasambatna Domba Adu karangan A. Djajasasmita anu dimuat dina Volksalmanak Sunda taun 1926.
- Duh manusa mana kaniaya teuing
- teu aya rasrasan
- abong ka mahluk nu laip
- nyiksa henteu jeung aturan
- Hulu abdi karaosna langkung nyeri
- tulang asa bejad
- tanduk mah pon kitu deui
- taya raoskeuneunana
- Na dikinten abdi moal ngaraos nyeri
- Pédah kabiasaanana
- tapi waktosna abdi
- ngan bakating kumawula
Dumasar kana wangunna, atawa rakitanana, aya hadéna upama istilah pada dipaké keur bait (Basa Indonesia) atawa couplet (Basa Inggris) puisi Sunda umumna, lain keur pupuh wungkul.
Rujukan
This article uses material from the Wikipedia Basa Sunda article Pada, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eusi nu nyangkaruk ditangtayungan ku CC BY-SA 4.0 iwal lamun disebutkeun béda. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Sunda (DUHOCTRUNGQUOC.VN) is an independent company and has no affiliation with Wiki Foundation.