Shqiptarët të vendosur (malazisht: Albanci odlučno, Албанци одлучнo) është një aleancë politike shqiptare në Mal të Zi.
Aleanca u formua nga tre parti shqiptare në Mal të Zi: Alternativa Shqiptare (ASH), Forca e Re Demokratike (FORCA) dhe Unioni Demokratik i Shqiptarëve (UDSH), para zgjedhjeve parlamentare të vitit 2016 në Mal të Zi.
Genci Nimanbegu (FORCA) udhëhoqi këtë listë zgjedhore në zgjedhjet parlamentare të tetorit të 2016-ës. Në këto zgjedhje koalicioni fitoi 4,854 vota, ose 1,27% të votave të përgjitshme, duke siguruar kështu 1 deputet në Kuvendin e Malit të Zi.
Pas zgjedhjeve, koalicioni "Shqiptarët të Vendosur" hyri në koalicion pas zgjedhor me Partinë Demokratike të Socialistëve, Socialdemokratët, Partinë Boshnjake dhe Iniciativën Qytetare Kroate për të formuar qeverinë e re të Malit të Zi në krye me Dushko Markoviqin. Në kabinetin e kryeministrit Markoviq merr pjesë dhe anëtari i koalicionit “Shqiptarët të vendosur” dhe kryetari i Unionit Demokratik të Shqiptarëve Mehmed Zenka, i cili do të ushtrojë funksionin e ministrit për të drejtat e njeriut dhe pakicave.
This article uses material from the Wikipedia Shqip article Shqiptarët të vendosur, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.