Organet E Qeverisjes Në Apoloni
Duke qenë një qytet-shtet koloni greke Apollonia ka pasur organe të ngjashme qeverisëse me qytete të tjera greke ku këto organe janë më të dëshmuara, gjë që na krijon mundësin të pranojmë praninë në të edhe të kategorive të caktuara qeverisëse qofshin ato legjislative, ekzekutive apo edhe administrative të cilat ende nuk janë dëshmuar nga burimet që disponohen.
Një ndër organet qeverisëse legjislative në Apolloni nga themelimi i qytetit deri në shek.IV .p.e.s kanë qenë fyhlarët, kryetarët e fiseve. Për një qytet si Apollonia ku kishte rëndësi prejardhja kuptohet se fyhlarët luanin një rol të rëndësishëm në qeverisjen e qytetit dhe se ata ishin të interesuar për ruajtjen për një kohë sa më të gjatë të sistemit oligarkik.
Një tjetër organ i rëndësishëm i qeverisjes ishte Helieja, këshillini qytetit. Rëndësia e këtij organi del edhe nga fakti se kur ndodhën ndryshime në kushtetutën e Epidamnit paria ruajti të drejtën e pjesmarrjes në mbledhjen e helies për emërimin e zyrtarëve. Zyrtari më i lartë ekzekutiv i qytetit ishte arhonti.
Organet e mësipërme të qeverisjes janë bërë të ditura nga Aristoteli kur përshkruan ndryshimet në kushtetutën e Epidamnit, por meqënëse ai trajton organet qeverisëse të sistemit oligarkik të këtij qyteti është normale që të pranojmë se të njëjtat organe ishin të pranishme edhe në qytet-shtetin e Apollonisë.
Referime
Libri "Historia e Apollonisë së Ilirisë" nga Bashkim Vrekaj
This article uses material from the Wikipedia Shqip article Organet e qeverisjes në Apoloni, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.