Latif Susuri lindi më 7 maj të vitit 1941 në Zhur të Prizrenit, është shkrimtar shqiptarë, akademik i Kosovës.
Latif Susuri | |
---|---|
U lind më | 7 maj1941 Zhur Prizren |
Kombësia | Shqiptar |
Shkollën e Mesme Bujqësore në Prishtinë, ndërsa Fakultetin e Bujqësisë, drejtimin e mbrojtjes së bimëve, e përfundoi në Universitetin e Beogradit. Studimet pasuniversitare, nga lënda e fitopatologjisë, i ka kryer po ashtu në Universitetin e Beogradit, më 1975. Gjatë vitit 1976/77, si bursist i fondacionit IREX, ka kryer specializimin njëvjeçar në SHBA, Department of Plant Pathology, University of Wisconsin, Madison, në lëmin e fitopatologjisë. Në këtë universitet përsëri vazhdon studimet njëvjeçare gjatë vitit 1980.
Disertacionin e doktoratës e ka mbrojtur më 1983 në Fakultetin e Agronomisë të Universitetit të Zagrebit. Gjatë vitit 1996/97 qëndron tre muaj në Angli, Imperial College & Science Musum Libraries, London, ku grumbullon literaturë plotësuese për tekste universitare dhe punime shkencore.Pas përfundimit të studimeve të rregullta, zë punë në “Progres-Export” të Prizrenit, në cilësi të teknologut për mbrojtjen e bimëve. Në vitin 1977 është zgjedhur ligjërues në Fakultetin e Bujqësisë për lëndën e Fitopatologjisë. Docent është zgjedhur në vitin 1984, profesor inordinar në vitin 1991, ndërsa profesor ordinar në vitin 1997. Në vitin 2000 është zgjedhur anëtar korrespondent i Akademisë së Shkencave dhe të Arteve të Kosovës. Ishte dekan i Fakultetit të Bujqësisë të Universitetit të Prishtinës.Ka mbajtur ligjërata, ushtrime dhe është themelues i lëndës së Fitopatologjisë në këtë universitet.
Preokupim kryesor i tij është puna shkencore - hulumtuese, sëmundjet e bimëve, të shkaktuara nga kërpudhat, bakteret, viruset dhe fitoplazmat. Në revistat e njohura shkencore, që botohen në vend dhe në botën e jashtme SHBA, Gjermani, Itali, Hungari, Slloveni, Kroaci, etj, ka publikuar shumë punime shkencore dhe artikuj të tjerë nga lëmi i ngushtë. Është mjaft i cituar në literaturën shkencore në botën e jashtme.
Ka përshkruar disa patogjenë për herë të parë në botë (Alternaria alternata - në bizele) dhe në vend (Pleospora infectoria, Didymella bryoniae, Diplocarpon earliana, Uromyces striatus, Phoma medicaginis, Plasmodiophora brassicae, Phytophthora capsici, Erëinia amylovora).Ka botuar dy libra universitarë: Fitopatologjia dhe Fungicidet-Herbicidet, si dhe Fjalorin e terminologjisë bujqësore anglisht-shqip dhe shqip-anglisht. Është bashkautor i fjalorit shumëgjuhësor Emrat e bimëve dhe ka përgatitur për botim fjalorin shumëgjuhësor Bimët, dëmtuesit dhe patogjenët. Për angazhim dhe punën e tij të suksesshme, është dekoruar me Mirënjohje nga Lidhja e Shoqatave të Mbrojtësve të Bimëve në Opati, në vitin 1986.
Është anëtar i këtyre shoqatave profesionale: Plant Protection Society of former YU and Society of Phytopathology; Former member of Advisory Board of Yugoslav Journal of Production; Distribution and Application of Pesticides, Belgrade; Former Member of Editorial Board of Plant Protection, Zagreb. Anëtar i Bordit të Unionit të Fitopatologëve të Vendeve Mesdhetare, Itali. Anëtar i Bordit drejtues në projektin “Tempus Project UM_JEP-16079-2001”. Është anëtar i këshillit redaktues të revistës shkencore Kërkime të ASHAK. Anëtar korrespondent i Akademisë së Shkencave dhe të Arteve të Kosovës është zgjedhur në vitin 2000.
This article uses material from the Wikipedia Shqip article Latif Susuri, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.