Islami Në Ulqin

Sipas censusit të popullsisë së vitit 2011, në Komunën e Ulqinit jetonin 14,308 myslimanë (ose 72% e popullsisë), ndërsa vetëm në qytetin e Ulqinit jetonin 7,297 myslimanë (ose 68% e popullsisë).

"Uratë për bekimin e kësaj kështjelle
E bekoftë Perëndia këtë kështjellë të Islamit buzë detit
Dhe ta mbajë nën pushtetin mysliman deri në Gjyqin e Ditës së Mbrame
Këto shtylla të larta me taben sikur trupi me shpirtin
Janë vepër e fuqisë së Zotit dhe të bamirësisë së tij
O i pafuqishëm, lutu për këtë Kala të Islamit
Të cilës në emër të vërtetësisë ia thashë këtë kronogram
“Çeli gonxhja e trëndafilit”
Viti 1130 hixhërinj"

Mbishkrim në Kalanë e Ulqinit

Historia

Pasi Ulqini u bë pjesë e Perandorisë Osmane në korrik të vitit 1571, popullsia e krishterë pothuajse tërësisht mungonte në Ulqin. Një pjesë u largua nga qyteti, ndërsa pjesa tjetër e banorëve përqafoi fenë islame. Në vitin 1614 Ulqini kishte treqind shtëpi, e në vitin 1646 trajtohet si një vendbanim plotësisht mysliman. Kalaja e Ulqinit ishte e pajisur plotësisht nga osmanët në fund të shekullit të XVI. Në të ishin të vendosur shtëpitë e dizdarëve dhe ushtarëve, përfaqësuesve të sundimit dhe gjygjësorit, pjesërisht dhe shtëpitë e qytetarëve. Kalaja kishte edhe një xhami, hambarë, cisterna për ujë, depon për armë dhe municione, dhe objekte të tjera.

Pasi Ulqini u bë pjesë e Principatës së Malit të Zi në vitin 1880, në krye të Myftinisë së Mali të Zi u vendos Haxhi Salih efendi Huli nga Ulqini. Në këtë kohë në Ulqin gjendej dhe zyra e kadiut, si dhe tre mejtepe (dy për djem, një për vajza).

Objektet islame

Xhamitë

Për më shumë informacione shikoni artikullin Xhamitë e Ulqinit

Xhamitë e para u ndërtan gjatë periudhës osmane, e para e cila ishte Xhamia e Meterizit. Në regjistrimin e pronave të vakëfit të vitit 1888 në territorin e Ulqinit, si dhe në rrethinën e ti kishte 12 prona të vakëfit: 11 xhami (Xhamia e Qytetit, Xhamia e Pashës, Xhamia e Meterizit, Xhamia e Ranës, Xhamia e Mezgjahut, Xhamia e Kryepazarit, Xhamia e Lamit, Xhamia e Merasë, Xhamia e Bregut, Xhamia e Kollomzës, Xhamia e Zogajve) si dhe mejtepi “Fejzije”, me 2.385 rrënjë ullinj, 37 rallë toke dhe 17 shtëpi, duke i llogaritur edhe dyqanet me 4 bahçe. Në Komunën e Ulqinit gjenden 26 xhami, ku vetëm në në qytetin e Ulqinit gjenden 6 xhami aktive: Xhamia e Lamit (1689), Xhamia e Pashës (1719), Xhamia e Nazmazgjahut (1728), Xhamia e Kryepazarit (1749), Xhamia e Bregut (1783) dhe Xhamia e Detarëve (1798).

Objektet tjera

Sahat Kulla e Ulqinit u ndërtua në vititn 1754. Në Ulqinin osman ekzistonin 11 tyrbe, ku vetëm katër janë ruajtur. Ndër më të njohurat janë Tyrbja e Fanëve dhe Tyrbja e Murat Dedesë.

Galeria

Çarshia e Ulqinit (v. 1908)
Femra myslimane në Ulqin (v. 1908)
Femër myslimane në Ulqin(rr. v. 1890)
Varrezat myslimane në Meteriz

Shiko dhe

Islami në Shqipëri

Referimet

This article uses material from the Wikipedia Shqip article Islami në Ulqin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.