Drita Reka-Gërmizaj (1952-2001) ishte njëra ndër të parat folëse (spikere) të lajmeve të Televizionit të Prishtinës, që nga transmetimet e para në vitin 1974.
Në TV Prishtina punoi deri me mbylljen e këtij televizioni nga, forcat serbe më 1990. Kështu, duke dëbuar dhunshëm të punësuarit nga vendi i punës.
U lind në Kumanovë më 18 nëntor 1952. Shkollën fillore dhe të mesme i kreu në Shkup, si gjenerata e parë e gjimnazit “Zef Lush Marku” të Shkupit (1970). Studioi Mjekësinë dhe Gjuhën Angleze në Universitetin e Prishtinës.
Drita Reka-Gërmizaj, përveç që punoi në TV Prishtina ajo një kohë punoi edhe në TV ERA të Shkupit, duke ndihmuar në krijimin e gjeneratës së re të folësve televizivë në gjuhën shqipe në Maqedoni. Po ashtu ajo paraqitej si folëse dhe gazetare televizive. Storiet që duhet veçuar përfshijnë ato për Kongresin e Alfabetit të Gjuhës Shqipe të Manastirit, (me rastin e 80 vjetorit); për kineastët Vellezërit Manaki nga Manastiri. Reka-Gërmizaj udhëhiqte ngjarje të rëndësishme dhe shkruante artikuj nëpër revista të ndryshme të grave.
Drita Reka-Gërmizaj ishte laureate e katërfishtë e çmimit prestigjioz jugosllav për folës televiziv “Goedana Boetti” si dhe fituese e çmimit “Mikrofoni i Artë” të Radio Prishtinës. Në shenjë kujtimi për veprën e saj, pas luftës së 1999 në Kosovë, Radio Televizioni i Kosovës (RTK) inauguroi Çmimin Vjetor për folës televiziv “Drita Gërmizaj.” Ndërkaq Kuvendi i Komunës së Prishtinës në vitin 2015 emëroi me emrin e saj një rrugë në kryeqytetin e Kosovës.
Vdiq në Prishtinë, më 10 shkurt 2001.
This article uses material from the Wikipedia Shqip article Drita Reka-Gërmizaj, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.