Gjurashët (cirilik: Ђурашевић, tr.
Cernovicchio, Zernovicchio) ishin familje fisnike që sunduan në periudha të ndryshme Zetën, sipas historianes gjermane Dagmar Burckhart "përfaqësonin interesat venedikase, arsye për të cilën u shpërblyen me tituj, dhurata dhe pensione".
Me prejardhje arbërore sipas disa burimeve, malazeze, serbe apo sllavo-ortodokse sipas disa tjerave, por ka burime që i cilësojnë me origjinë që nuk dihet.
Ngritja e pushtetit të tyre nisi nga fshati Oblikë në rrjedhën e lumit Buna dhe dy-tri fshatrave në liqenin e Shkodrës. Zotërimet e saj shtriheshin në Zetë fillimisht midis Budvës e Tivarit dhe erdhën duke u zgjeruar drejt Lindjes. Një nga pinjollët e saj, Radiqi, arriti t’u marrë më 1393 Dukagjinëve për pak kohë qytetin e Lezhës. Ai hyri në luftë me Gjergjin II Strazimiri Balshën dhe u thye e u vra prej tij më 1396.
Radik Gjurashi ishte kundërshtar i Balshajve dhe u vra nga Gjergji II Balsha.
Fisniku shqiptar Stefan Gjurashi me të bijtë mori pjesë në Kuvendin e Lezhës më 1444 krahas fisnikëve tjerë shqiptarë. Në vitet 1452 dhe 1453 organizoi disa aksione të suksesshme kundër Gjergj Brankoviçit.
This article uses material from the Wikipedia Shqip article Gjurashi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.