Ali Riza Oseku (Tiranë, 23 shkurt 1944 - 2 prill 2024) ka qenë piktor shqiptar.
U lind në Tiranë në një familje me prejardhje nga Gjakova, i biri i Bajramit dhe Sadijes.
Ndoqi shkollimin artistik në liceun artistik "Jordan Misja" ndër vitet 1959-1963, më tej thelloi studimet për pikturë në Institutin e Lartë të Arteve po në Tiranë. Më 1970 u emërua skenograf i Teatrit të Operas dhe Baletit.
Prej dënimit të të ashtuquajturit "grupit të kulturës" u transferua për "riedukim" në Elbasan, ku punoi në Metalurgjik.
Më 1975 u burgos për arsye politike dhe tendenca moderniste në art, dënimin e shleu në burgun e Spaçit. Lirohet nga burgu më 1979 dhe lejohet të kthehet në Tiranë si punëtor krahu deri më 1991, pa të drejtë për të ekspozuar punët e veta.
Me ndryshimet demokratike angazhohet si kurator arti në Galerinë Kombëtare ndër vitet 1991-1998. Më tej u bë pedagog, profesor i asociuar dhe shef i Katedrës së Grafikës në Akademinë e Arteve të Bukura deri më 2014.
Pas 2014 zhvilloi veprimtarinë e lirë si piktor.
This article uses material from the Wikipedia Shqip article Ali Oseku, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.