بین الاقوامی مالیاتی فنڈ یا آئی ایم ایف (انٹرنیشنل مونیٹری فنڈ:IMF) ہک عالمی مالیاتی ادارہ ہے جیہڑا ملکی معیشتاں تے انہاندی باہمی کارکردگی بالخصوص زر مبادلہ، بیرونی قرضہ جات تے نظر رکھدا ہے تے انہاندی معاشی فلاح تے مالی خسارے توں نمٹݨ کیتے قرضے تے تیکنیکی معاونت فراہم کریندا ہے۔ ݙوجھی جنگ عظیم دی وجہ نال بہت سارے یورپی ممالک دا توازن ادائیگی دا خسارہ پیدا تھی گیا ہئی۔ اینجھے ممالک دی مدد کرݨ کیتے ایہ ادارہ وجود وچ آیا۔ ایہ ادارہ جنگ عظیم دوم دے بعد بریٹن وڈز دے معاہدے دے تحت بین الاقوامی تجارت تے مالی لین دین دی ثالثی کیتے دسمبر 1945 وچ قائم تھیا۔
ایندا مرکزی دفتر امریکہ دے دار الحکومت واشنگٹن وچ ہے۔ ایں وقت دنیا دے 185 ممالک اس دے رکن ہن۔ شمالی کوریا، کیوبا تے کجھ ݙوجھے چھوٹے ممالک دے علاوہ تمام ممالک اس دے ارکان وچ شامل ہن۔ بین الاقوامی مالیاتی فنڈ تے وݙی طاقتاں دا مکمل راج ہے جس دی وجہ اس دے فیصلیاں کیتے ووٹ پاوݨ دی غیر منصفانہ تقسیم ہے۔ ایہ ادارہ تقریباً تمام ممالک کوں قرضہ ݙیندا ہے جیہڑا انہاں ممالک دے بیرونی قرضہ وچ شامل ہوندے ہن۔ انہاں قرضیاں دے نال غریب ممالک دے اتے کچھ شرائط وی لائیاں ویندن جنہاں دے بارے وچ ناقدین دا خیال ہے کہ ایہ شرائط اکثر اوقات مقروض ملک دی معاشی حالت کوں بہتر بݨاوݨ دی بجائے اینکوں بگاڑدے ہن۔ بین الاقوامی مالیاتی فنڈ جیہے بین الاقوامی اداریاں دے ڈھانچے کوں بدلݨ دی ضرورت وقت دے نال نال زیادہ محسوس کیتی ویندی پئی ہے۔
This article uses material from the Wikipedia سرائیکی article بین الاقوامی مالیاتی فنڈ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سرائیکی (DUHOCTRUNGQUOC.VN) is an independent company and has no affiliation with Wiki Foundation.