එඩ්වඩ් ටීච් (එඩ්වඩ් ටැච් ලෙසින්ද හැඳින්වුනු, ප.
1680 – 22 නොවැම්බර් 1718), බෙහෙවින් බ්ලැක්බියර්ඩ් ලෙසින් හැඳින්වුනු , යනු බටහිර ඉන්දීය කොදෙව් සහ ඇමරිකානු ජනපදවල නැගෙනහිර වෙරළ අවට ක්රියාත්මක වූ, කුප්රකට ඉංග්රීසි මුහුදු කොල්ලකරුවෙකි. ඔහුගේ ජීවිතයේ මුල් අවදිය පිළිබඳ ඉතා ස්වල්ප අවබෝධයක් පමණක් ඇති මුත්, ඔහු බෝහෝවිට උපදින්නට ඇත්තේ එංගලන්තයෙහි බ්රිස්ටල්හිදී බවට සැලකෙයි. නිව් ප්රොවිඩන්ස් නමැති බහාමාස දූපතේ පදිංචිවී එහි පදනම්ව ක්රියාත්මක වූ කපිතාන් බෙන්ජමින් හෝනිගෝල්ඩ්ගේ නාවුක කණ්ඩායමට 1716දී පමණ ටීච් බැඳීමට පෙරදී, ඈන් රැජිණගේ යුද්ධය අතරතුර, මුහුදු කොල්ල නැව් වල නාවිකයෙක් වශයෙන් ඔහු සේවය කරන්නට ඇත. තමන් විසින් අල්ලාගත් කප්පරයක අණදෙන නිලධාරි වශයෙන් හෝනිගෝල්ඩ් විසින් ඔහු පත් කල අතර, මොවුන් දෙදෙන එකතුව බොහෝ මුහුදු කොල්ලකෑම් සිදු කලහ. ඔවුන්ගේ උපැයීම් ඉහළ නැංවුනේ, ස්ටීඩර් බොනට් විසින්අණ දෙන ලද එක් නැවක් හා සමග අමතර නැව් දෙකක් නැව් සමූහයට එක් කිරීම හා සමග වුවද, 1717 අග වන විට මුහුදු කොල්ලකෑමෙන් විශ්රාමයෑමට හෝනිගෝල්ඩ් තීරණය කල අතර නැව් දෙකද ඔහු විසින් රැගෙන යන ලදි.
එඩ්වඩ් ටීච් | |
---|---|
— මුහුදු කොල්ලකරු — | |
අපනාමය | බ්ලැක්බියර්ඩ් |
උපත | ප. 1680 |
උපන් ස්ථානය | (උපකල්පිත) බ්රිස්ටල්, එංගලන්තය |
මරණය | 22 නොවැම්බර් 1718 |
මරණය සිදුවූ ස්ථානය | ඕක්රකෝක්, කැරොලයිනා පළාත |
සක්රීය වසර | 1716–1718 |
තරාතිරම | කපිතාන් |
ක්රියාන්විත පදනම් ස්ථානය | අත්ලාන්තික් |
ආඥාපතිත්වය | ක්වීන් ඈන්ස් රිවෙන්ජ්, ඇඩ්වෙන්චර් |
ටීච් විසින් ප්රංශ වෙළෙඳ වැවක් අල්ලා ගෙන එය ක්වීන් ඈන්ස් රිවෙන්ජ් ලෙසින් යළි-නම්කොට, එහි කුවක්කු 40 ක් සවි කළේය. ඔහු බොහෝ ප්රසිද්ධ මුහුදු කොල්ලකරුවෙක් වූ අතර, ඔහුගේ විරුදනාමය ව්යුත්පන්න වී තිබුණේ ඔහුගේ ඝනට වැඩී තිබුණු කඵ රැවුළ සහ බිය උපදවන පෙනුම නිසාය; ඔහුගේ සතුරන් බියගැන්වීම සඳහා දැල්වූ සේව නූල් තම තොප්පියට යටින් සවි කර ගෙන සිටි බව කියැවේ. මුහුදු කොල්ලකරුවන්ගේ සන්ධානයක් පිහිටවූ ඔහු චාර්ල්ස්ටන්, දකුණු කැරොලයිනා වරාය වටලා අවරෝධ පැනවීය. එහි වැසියන්ගෙන් සාර්ථක ලෙසින් කප්පම් ලබා ගැනීමෙන් පසුව, ඔවුන් වෙතින් ක්වීන් ඈන්ස් රිවෙන්ජ් නැව, උතරු කැරොලයිනාවේ බෙයිෆර්ට්හී වැලි කන්දක ඇමිණිනි. බොනට් හා පැවති ව්යාපාරික සම්බන්ධතාවයෙන් මිදුණු ඔහු, බච් නගරයේ පදිංචිවූ අතර, එහිදී ඔහු රාජකීය සමාවක් බාර ගත්තේය. එහෙත් යළි මුහුදු කොල්ලයේ යෙදීම ඇරඹූ ඔහු පිළිබඳ අවධානය වර්ජීනියාවේ ආණ්ඩුකාර ඇලෙක්සැන්ඩර් ස්පොට්ස්වුඩ් වෙත ඇති විය. මුහුදු කොල්ලකරු අත් අඩංගුවට ගැනීම සඳහා සොල්දාදුවන් හා නාවිකයන් කණ්ඩායමක් පිළියෙල කිරීමට ස්පොට්ස්වුඩ් යුහුසුළුවූ අතර, 22 නොවැම්බර් 1718 වන විට එසේ කිරීමට ඔවුහූ සමත් වූහ. දරුණු සටනක් තුලදී, ලුතිනන් රොබට් මේනර්ඩ් විසින් මෙහෙයවුනු නාවිකයන් කුඩා බලකායක් විසින් ටීච් සහ ඔහුගේ පිරිස මරා දැමිණි.
සූර සහ කපටි නායකයෙකු වූ ටීච්, බලය යෙදීම බැහැර කොට, ඒ වෙනුවට ඔහුගේ බියජනක පෙනුම භාවිතා කොට ඔහු විසින් සොරකමට පාත්රවූවන්ගෙන් බලාපොරොත්තු වූ දේ ලබා ගති. සාම්ප්රදායික ක්රෑර මුහුදු කොල්ලකරුවෙකු ලෙස ඔහු වර්තමානයේ දැක්වීමට හාත්පසින්ම විරුද්ධ ලෙසින්, ඔහුගේ යාත්රා වලට අණ දීමේදී ඔහුගේ කාර්ය මණ්ඩලයේ සහය ඇතිව එය සිදු කල අතර, ඔහුගේ අත් අඩංගුවට පත්වූවන්හට හිරිහැර කල බවක් හෝ මරා දැමූ බවක් හෝ වාර්තා නොමැත. ඔහුගේ මරණයෙන් පසුව බහුමනට පාත්රවූ අතර මුහුදු කොල්කෑම-තේමා කර ගත් ප්රභේද කිහිපයක ප්රබන්ධ කෘතීන් සඳහා පෙළඹවීම් ඇති කිරීමට සමත් විය.
This article uses material from the Wikipedia සිංහල article බ්ලැක්බියර්ඩ්, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). අන්ලෙසකින් සඳහන්කර නැති සෑම විටෙකම අන්තර්ගතය CC BY-SA 4.0 යටතේ ඇත. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki සිංහල (DUHOCTRUNGQUOC.VN) is an independent company and has no affiliation with Wiki Foundation.